រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សមាគមក្រុមប្រឹក្សាថ្នាក់មូលដ្ឋានខេត្តកំពង់ឆ្នាំង បើកកិច្ចប្រជុំបូកសរុបលទ្ធផលការងារប្រចាំឆ្នាំ២០២០ និងផែនការសកម្មភាព និងថវិកាសម្រាប់អនុវត្តប្រចាំឆ្នាំ២០២១

ដោយ taravongចំនួនទស្សនា (53)

កំពង់ឆ្នាំង៖ នៅព្រឹកថ្ងៃសុក្រ ១៥កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៦ ខែកុម្ភ: ឆ្នាំ២០២១នេះ នៅខេត្តកំពង់ឆ្នាំង បានបើកកិច្ចប្រជុំលើកទី ២ របស់សមាគមក្រុមប្រឹក្សាថ្នាក់មូលដ្ឋានខេត្តកំពង់ឆ្នាំង ដើម្បីបូកសរុបលទ្ធផលការងារប្រចាំឆ្នាំ២០២០ និងផែនការសកម្មភាព និងថវិកាសម្រាប់អនុវត្តប្រចាំឆ្នាំ២០២១ ក្រោមអធិបតីភាពឯកឧត្តម សយ កុសល ប្រធានសម្ព័ន្ធភាពជាតិក្រុមប្រឹក្សា ឯកឧត្តម ឡុង ឈុនឡៃ ប្រធានក្រុមប្រឹក្សាខេត្តកំពង់ឆ្នាំង និងឯកឧត្តម ហេង ពិទូ អភិបាលរងខេត្ត តំណាងឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង។

ក្នុងនោះឯកឧត្តម ឡុង ឈុនឡៃ បានថ្លែងអំណរគុណដល់ក្រុមការងារថ្នាក់ជាតិ ថ្នាក់ខេត្ត ដែលរួមមានសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន រតនាគារខេត្ត និងអាជ្ញាធរគ្រប់លំដាប់ថ្នាក់ដែលបានធ្វើកិច្ចសហប្រតិបត្តិការល្អជាមួយសមាគមទាំងការផ្ដល់នូវធនធាន និងបច្ចេកទេសក្នុងការកសាងស្ថាប័ន និងពង្រឹងសមត្ថភាពដល់សមាជិកសមាគមសម្រាប់ឆ្នាំកន្លងមកក្នុងការអនុវត្តនៃការគម្រោងដឹកនាំសមាគមប្រតិបត្តិសង្គម និងសមាជិករបស់សមាគមប្រឹក្សាថ្នាក់មូលដ្ឋានខេត្តកំពង់ឆ្នាំង។

ឯកឧត្តម សយ កុសល បានធ្វើការកោតសរសើរដោយស្មោះ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់អស់លោក លោកស្រីដែលជាថ្នាក់ដឹកនាំ និងជាសមាជិកសមាគមក្រុមប្រឹក្សាថ្នាក់មូលដ្ឋានក្នុងការបំពេញតួនាទីភារកិច្ចក្នុងនាមជាតំណាងឱ្យសំឡេង និងផលប្រយោជន៍របស់ក្រុមប្រឹក្សាក្រុងស្រុក ឃុំ សង្កាត់ ស្របតាមលក្ខន្តិកៈរបស់ខ្លួនដើម្បីចូលរួមចំណែកលើកកម្ពស់គុណភាពសេវាសាធារណៈ និងការអភិវឌ្ឍមូលដ្ឋានឆ្លើយតបទៅនឹងតម្រូវការរបស់ប្រជាពលរដ្ឋប្រកបដោយប្រសិទ្ធភាពតម្លាភាពគណនេយ្យភាពបរិបទ និងសមធម៌។

សូមបញ្ជាក់ជូនថាៈ សមាគមក្រុមប្រឹក្សាថ្នាក់មូលដ្ឋានខេត្តកំពង់ឆ្នាំង ត្រូវបានជ្រើសរើសឡើងតាមរយៈការបោះឆ្នោតបែបប្រជាធិបតេយ្យពីដំណាក់ប្រតិភូក្រុមប្រឹក្សាក្រុង ស្រុក ឃុំ សង្កាត់ទាំង ០៨ក្រុង ស្រុក និង ៧០ឃុំ សង្កាត់ ដូច្នេះចំណេះដឹង និងបទពិសោធន៏ក្នុងការគ្រប់គ្រងស្ថាប័នគន្លឹះដែលទាមទារឱ្យអនុវត្តបណ្ដើរ និងរៀនសូត្របណ្ដើរ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន