រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ក្រុមការងាររាជរដ្ឋាភិបាលចុះមូលដ្ឋានឃុំអណ្ដូងស្នាយ ស្រុករលាប្អៀរ នាំយកគ្រឿង ឧបភោគ បរិភោគ ជូនរដ្ឋបាលឃុំ ដើម្បីត្រៀម ចែកជូនគ្រួសារងាយរងគ្រោះខ្វះស្បៀង ក្នុងបរិការណ៍នៃការរីករាលដាលនៃជំងឺកូវីដ-១៩

ដោយ taravongចំនួនទស្សនា (16)

រលាប្អៀរ៖ នារសៀលថ្ងៃទី២៩ ខែមេសា ឆ្នាំ២០២១នេះ លោក ឌឹម ឌន ប្រធានមន្ទីរផែនការខេត្តកំពង់ឆ្នាំង តំណាងឯកឧត្តម វង្ស សាម៉ុន រដ្ឋលេខាធិការក្រសួងផែនការ និងជាអនុប្រធានក្រុមការងារថ្នាក់ជាតិចុះមូលដ្ឋាន ដើម្បីត្រួតពិនិត្យការអនុវត្តគោលនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ស្រុករលាប្អៀរ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង បានដឹកនាំក្រុមការងារ ចុះសំណេះសំណាល និងនាំយកគ្រឿងឧបភោគបរិភោគជូនរដ្ឋបាល ឃុំអណ្ដូងស្នាយ ដើម្បីត្រៀមចែកជូនគ្រួសារងាយរងគ្រោះខ្វះស្បៀង ក្នុងបរិការណ៍នៃការរីករាលដាលនៃជំងឺកូវីដ-១៩ ឬរងគ្រោះដោយគ្រោះធម្មជាតិ ដោយមានការចូលរួមពីលោក យង់ សៅវុឌ្ឍី អភិបាលស្រុករលាប្អៀរ។

ក្នុងឱកាសនោះលោក ឌឹម ឌន ក៏បានពាំនាំប្រសាសន៍ផ្ដាំផ្ញើឯកឧត្តម វង្ស សាម៉ុន រដ្ឋលេខាធិការក្រសួងផែនការដល់អាជ្ញាធរឃុំ ដើម្បីចូលរួមអំពាវនាវដល់លោកតាលោកយាយ និងបងប្អូនប្រជាពលរដ្ឋក្នុងការទប់ស្កាត់ការឆ្លងរីករាលដាលនៃជំងឺកូវីដ-១៩ ទាំងអស់គ្នា ដោយអនុវត្តតាមប្រសាសន៍សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាគឺ ៣ការពារ ៣កុំ និងអនុវត្តតាមវិធានការរបស់ក្រសួងសុខាភិបាល ឱ្យបានត្រឹមត្រូវ។

អំណោយជាគ្រឿងឧបភោគ បរិភោគរួមមាន៖អង្ករ ៥០០ គីឡូក្រាមមីខ្លាឃ្មុំ និងមីម៉ាម៉ាចំនួន ១០ កេះ ទឹកត្រី ១០ យួរ ទឹកស៊ីអ៊ីវ ១០យួរ ទឹកបរិសុទ្ធ ១០ កេះ និងម៉ាស់ ២០ ប្រអប់ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 3 ថ្ងៃមុន