រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

អភិបាលរងខេត្តកំពង់ឆ្នាំង អញ្ជើញចុះពិនិត្យ និងសួសុខទុក្ខ កងកម្លាំង ក្រុមគ្រូពេទ្យ និងមន្រ្តីប្រចាំការ ព្រមទាំងអ្នកកំពុង ធ្វើចត្តាឡីស័ក នៅមណ្ឌលចត្តាឡីស័ក សាលាបឋមសិក្សា និងវិទ្យាល័យក្រាំងស្រម៉

ដោយ taravongចំនួនទស្សនា (63)

កំពង់ឆ្នាំង៖ នៅព្រឹកថ្ងៃអង្គារ ៨រោច ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៤ ខែឧសភា ឆ្នាំ២០២១នេះ ឯកឧត្តម អម សុភា អភិបាលរងខេត្ត អញ្ជើញចុះពិនិត្យ និងសួសុខទុក្ខ កងកម្លាំង ក្រុមគ្រូពេទ្យ និងមន្រ្តីប្រចាំការ ព្រមទាំងអ្នកកំពុង ធ្វើចត្តាឡីស័ក នៅមណ្ឌលចត្តាឡីស័ក សាលាបឋមសិក្សា និងវិទ្យាល័យក្រាំងស្រម៉ ស្ថិតនៅឃុំស្វាយជុក ស្រុកសាមគ្គីមានជ័យ ដែលមានបងប្អូនប្រជាពលរដ្ឋកំពុងធ្វើចត្តាឡីស័កចំនួន ១៧៣ នាក់ ស្រី ៤៣ នាក់។

ក្នុងឱកាសនេះដែរ ឯកឧត្តម បានណែនាំដល់អ្នកដែលធ្វើចត្តាឡីស័ក សូមមេត្តាយោគយល់ និងអធ្យាស្រ័យ ចំពោះការតម្រូវឱ្យបងប្អូនស្នាក់នៅក្នុងមណ្ឌលនេះរយ:ពេល ១៤ ថ្ងៃ ព្រោះនេះជាគោលការណ៍របស់រដ្ឋាភិបាល និងវិធានការសុខាភិបាល ដើម្បីទប់ស្កាត់ការីករាលដាលនៃជំងឺកូវីដ-១៩ ដែលយើងមិនដឹង​ និងមើលមិនឃើញថាវានៅកន្លែងណាពិប្រាកដនោះទេ។ ដូចនេះមានតែវិធានការនេះទេដែលអាចអោយយើងអាចទប់ស្កាតការរីករាលដាលពីជំងឺនេះប្រកបដោយប្រសិទ្ធិភាព ព្រមជាមួយគ្នានេះសូមបងប្អូនចូលរួមអនុវត្តនូវវិធានការ ៣ការពារ និង៣កុំ គ្រប់ពេលវេលាទាំងអស់គ្នា។

ជាមួយគ្នានោះ ឯកឧត្តមអភិបាលរងខេត្តបានប្រគល់សម្ភារមានដូចជា៖ អង្ករ ១០បេ ត្រីខ ៣កេះធំ មី ៣០កេះ ទឹកក្រូច ១០កេះ ភេជ្ជៈស្ទីង ២០កេះ ទឹកសុទ្ធឱរ៉ាល់២០កេះ ម៉ាស់ ១កេះ អាល់កុល ១កាន។

លោក វន ស៊ីផា អភិបាលស្រុក​ បានថ្លែងអំណរគុណយ៉ាងជ្រាលជ្រៅ ចំពោះវត្តមានរបស់ឯកឧត្តមអភិបាលរងខេត្ត ដែលចំណាយពេលវេលាដមមាញឹកចុះសួសុខទុក្ខនៅមណ្ឌលចត្តាឡីស័កនេះ។ ចំពោះសម្ភារដែលទទួលបាននេះពិតជាមានសារ:សំខាន់ណាស់សម្រាប់ចាត់ចែងប្រើប្រាស់ទ្រទ្រង់ដល់ដំណើរការទូទៅក្នុងមណ្ឌចត្តាឡីស័កទាំងមូល។ ជាចុងក្រោយលោកអភិបាលស្រុកបានជូនពរចំពោះឯកឧត្តម និងសហការីសូមទទួលបាននូវពុទ្ធពរ ទាំងឡាយ៤ប្រការគឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ​ និងជៀសផុតជំងឺកូវីដ-១៩ ទាំងអស់គ្នា ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន