រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ថវិកាឯកឧត្តមបណ្ឌិត ចាន់ ដារ៉ុង ត្រូវបានថ្នាក់ដឹកនាំស្រុកនាំយកទៅប្រគល់ជូនគ្រួសាររងគ្រោះដោយខ្យល់កន្ត្រាក់ ចំនួន ៧ គ្រួសារ នៅភូមិជ្រៃកោងកើត ឃុំខ្នាឆ្មារ ស្រុកសាមគ្គីមានជ័យ ខេត្តកំពង់ឆ្នាំង

ដោយ taravongចំនួនទស្សនា (44)

សាមគ្គីមានជ័យ៖ នាថ្ងៃទី០៥ ខែឧសភា ឆ្នាំ២០២១ លោក វន ស៊ីផា អភិបាលស្រុកសាមគ្គីមានជ័យ ព្រមទាំងសហការី បាននាំយកអំណោយជាថវិការបស់ឯកឧត្តមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកសាមគ្គីមានជ័យ ជូនគ្រួសាររងគ្រោះដោយខ្យល់កន្ត្រាក់កាលពីយប់ថ្ងៃទី០៣ ខែឧសភា ឆ្នាំ២០២១ ចំនួន ៧ គ្រួសារ នៅភូមិជ្រៃកោងកើត ឃុំខ្នាឆ្មារ ស្រុកសាមគ្គីមានជ័យ ខេត្តកំពង់ឆ្នាំង។

ក្នុងនោះមាន ១គ្រួសារ រលំផ្ទះដល់ដី និង ៦គ្រួសារ ផ្សេងទៀត របើកដំបូលបន្តិចបន្តួច។ អំណោយដែលបានឧបត្ថម្ភសម្រាប់គ្រួសាររំលំផ្ទះទទួលបានថវិកា ចំនួន ៥០០.០០០ រៀល រីឯ ៦ គ្រួសារ ផ្សេងទៀតដែលរបើកដំបូលបន្តិចបន្តួច ទទួលបានថវិកា ចំនួន ៥០.០០០ រៀល។

ក្នុងឱកាសនោះ លោក វន ស៊ីផា បានពាំនាំបណ្តាំសាកសួរសុខទុក្ខរបស់ ឯកឧត្តម បណ្ឌិត ចាន់ ដារ៉ុង ដែលឯកឧត្តម បណ្ឌិត តែងតែគិតគូពីសុខទុក្ខបងប្អូនយើងនៅតាមមូលដ្ឋាន។ លោក ក៏បានផ្តាំផ្ញើបងប្អូនទាំងអស់ត្រូវមានការគិតគូប្រុងប្រយ័ត្នចំពោះ ជម្ងឺប្រភេទថ្មី គឺ កូវីដ-១៩ ព្រោះ ជាជម្ងឺកាចសាហាវមានកាតឆ្លងរាលដាលលឿន និងមានការវិវឌ្ឍន៍លឿនរហូតដល់ស្លាប់។ សូមបងប្អូនត្រូវអនុវត្តវិធានការ ៣ការពារ និង៣កុំ ឱ្យបានខ្ជាប់ខ្ជួនគ្រប់គ្នា និងក្នុងករណីដែលបងប្អូនមកពីខាងក្រៅខេត្ត ស្រុកយើងត្រូវរាយការណ៍ទៅអាជ្ញាធរ ដើម្បីយកទៅធ្វើចត្តាឡីស័កបង្ការការឆ្លងរាលដាលក្នុងភូមិ ឃុំ នឹងសហគមន៍យើង ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន