រដ្ឋបាលខេត្តកំពង់ឆ្នាំង

Kampong Chhnang Administration
ស្វែងរក

សហភាពសហព័ន្ធយុវជនកម្ពុជាស្រុកសាមគ្គីមានជ័យ ចុះសួរសុខទុក្ខ និងពាំនាំអំណោយជូនលោកយាយ ខៀវ ឌៀង អាយុ ៧២ឆ្នាំ រស់នៅភូមិថ្នល់ ឃុំក្រាំងល្វា ស្រុកសាមគ្គីមានជ័យ

  • 239
  • ដោយ taravong

សាមគ្គីមានជ័យ៖ នាព្រឹកថ្ងៃអង្គារ ១៤កើត ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៤ ខែឧសភា ឆ្នាំ២០២១ ដោយមានការណែនាំ ពីលោក វន ស៊ីផា អភិបាលស្រុកសាមគ្គីមានជ័យ លោក ឈួន ចាន់ណា ប្រធានសហភាពសហព័ន្ធយុវជនកម្ពុជាស្រុក បានដឹកនាំសមាជិក សមាជិកាស្រុក និងឃុំក្រាំងល្វា ចុះសួរសុខទុក្ខ និងពាំនាំអំណោយជូនលោកយាយ ខៀវ ឌៀង អាយុ ៧២ឆ្នាំ ដែលកំពុងជួបការលំបាក រស់នៅភូមិថ្នល់ ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។

ក្នុងឱកាសនៃការចុះសួរសុខទុក្ខ ក្រុមការងារក៏បាននាំយកអំណោយមកផ្ដល់ជូនរួមមាន៖ អង្ករ ២៥គីឡូក្រាម, ទឹកត្រី ១យួរ, ទឹកស៊ីអ៊ីវ ១យួរ, ត្រីខ ១យួរ, មី ១កេស និងថវិកា ចំនួន ១០ម៉ឺនរៀល (ថវិកាលោក ឈួរ ច័ន្ទរិទ្ធី សមាជិក ស.ស.យ.ក ខេត្តកំពង់ឆ្នាំង ចំនួន ៥ម៉ឺនរៀលនិងថវិកាលោក ឈួន ចាន់ណា ប្រធាន ស.ស.យ.ក ស្រុក ចំនួន ៥ម៉ឺនរៀល)។

លោក ឈួន ចាន់ណា ក៏បានពាំនាំនូវការសួរសុខទុក្ខពី ឯកឧត្តម ហេង ពិទូ ប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំង និងលោក វន ស៊ីផា អភិបាលស្រុក ដែលតែងតែយកចិត្តទុក្ខដាក់ចំពោះប្រជាពលរដ្ឋដែលជួបការលំបាក និងបានណែនាំត្រូវចេះថែទាំសុខភាព និងត្រូវអនុវត្តតាមវិធានការរបស់រាជរដ្ឋាភិបាល ៣ការពារ ៣កុំ និងគោលការណ៍ណែនាំរបស់ក្រសួងសុខាភិបាល ឱ្យជាប់ជាប្រចាំដើម្បីចៀសផុតពីជំងឺកូវីដ-១៩ ៕

អត្ថបទទាក់ទង