រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលស្រុកសាមគ្គីមានជ័យ ទទួលសម្ភារជាគ្រឿងឧបភោគ បរិភោគ ពីក្រុមហ៊ុនអចលនទ្រព្យ ឌី ប្រុសពៅ តាមរយ: លោក ខាន់ ជេមស៌

ដោយ taravongចំនួនទស្សនា (43)

សាមគ្គីមានជ័យ៖ ព្រឹកថ្ងៃអាទិត្យ ៤រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣០ ខែឧសភា ឆ្នាំ២០២១នេះ រដ្ឋបាលស្រុកសាមគ្គីមានជ័យ ដឹកនាំដោយលោក វន ស៊ីផា អភិបាលស្រុក បានទទួលសម្ភារជាគ្រឿងឧបភោគ និងបរិភោគ ពីក្រុមហ៊ុនអចលនទ្រព្យ ឌី ប្រុសពៅ តាមរយ: លោក ខាន់ ជេមស៌។

លោក វន ស៊ីផា អភិបាលស្រុក បានថ្លែងអំណរគុណដល់លោក ខាន់ ជេមស៌ តំណាងក្រុមហ៊ុនអចលនទ្រព្យ ឌី ប្រុសពៅ រួមទាំងសហការី ដែលបាននាំយកសម្ភារទាំងនេះមកជូនដល់រដ្ឋបាលស្រុក ដើម្បីចូលរួមក្នុងការបង្ការទប់ស្កាត់ នៃការឆ្លងរីករាលដាលជំងឺកូវីដ-១៩ ក្នុងសហគមន៍ ជាពិសេសក្នុងអំឡុងពេលបិទខ្ទប់គ្រួសារមួយចំនួនដែលពាក់ព័ន្ធ។ លោកក៏បានជូនពរដល់លោក ខាន់ ជេមស៌ ព្រមទាំងក្រុមគ្រួសារ និងសហការី ទទួលបានសុខភាពល្អ ជោគជ័យគ្របភារកិច្ច និងជៀសផុតពីជំងឺកូវីដ-១៩ ទាំងអស់គ្នា។

សម្ភារដែលរដ្ឋបាលស្រុកទទួលបានរួមមាន៖ អង្ករ ២០បាវ (១បាវ ស្មើនឹង ២៥ គីឡូក្រាម សរុបស្មើនឹង ៥០០ គីឡូក្រាម), ត្រីខ ២០ យួរ, ទឹកត្រី ២០ ដប, ទឹកស៊ីអុីវ ២០ ដប, ប៊ីចេង ៥០០ ក្រាម ២០ កញ្ចប់, ទឹកសុទ្ធកម្ពុជា ១០ កេស និងទឹកសុទ្ធ ២០ យួរ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន