រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម អម សុភា និង ថ្នាក់ដឹកនាំមន្ទីរពាក់ព័ន្ធបន្តចុះជួបសំណេះសំណាលនិងផ្សព្វផ្សាយវិធានការ ការពារទប់ស្កាត់ការរីករាលដាលនៃជំងឺកូវីដ១៩ដល់កម្មករ កម្មការិនីនៅរោងចក្រខេនស្ព័តស៊ូ ស្ថិតក្នុងស្រុកសាមគ្គីមានជ័យ

ដោយ taravongចំនួនទស្សនា (54)

កំពង់ឆ្នាំងៈនៅព្រឹកថ្ងៃទី១១ ខែមិថុនា ឆ្នាំ២០២១ ឯកឧត្តមអម សុភា អភិបាលរងខេត្តកំពង់ឆ្នាំង រួមដំណើរដោយថ្នាក់ដឹកនាំមន្ទីរពាក់ព័ន្ធបន្តចុះជួបសំណេះសំណាលនិងផ្សព្វផ្សាយ វិធានការ ការពារទប់ស្កាត់ការរីករាលដាលនៃជំងឺកូវីដ១៩ ឱ្យបានម៉ឺងម៉ាត់បំផុត ដើម្បីចៀសផុតពីជំងឺកូវីដ១៩ ដ៏កាចសាហាវ ដល់កម្មករ កម្មការិនីនៅរោងចក្រខេនស្ព័តស៊ូ ស្ថិតក្នុងស្រុកសាមគ្គីមានជ័យ ខេត្តកំពង់ឆ្នាំង។

ក្នុងឱកាសនោះ ឯកឧត្តម អម សុភា បានមានប្រសាសន៍ថាៈជំងឺកូវីដ១៩នៅខេត្តកំពង់ឆ្នាំង កំពុងតែកើតឡើងជាបន្ត
បន្ទាប់ បង្ករឱ្យមនុស្សឈឺនិងស្លាប់គួឱ្យព្រួយបារម្មណ៍បំផុត ហើយដើម្បីចៀសផុតពីជំងឺ ដ៏កាចសាហាវនេះ យើងទាំងអស់គ្នា ត្រូវរួមគ្នា ទប់ស្កាត់ប្រយុទ្ធប្រឆាំងកុំឱ្យរីករាលដាលបន្តទៀតចូលក្នុងសហគមន៍និងក្រុមគ្រួសាររបស់ខ្លួន ។

ឯកឧត្តម អម សុភា បានមានប្រសាសន៍បន្តថាៈ មូលហេតុដែលក្រុមការងារចុះមកផ្សព្វផ្សាយសេចក្តីណែនាំរបស់រដ្ឋបាលខេត្តនេះ ដោយសារតាមបណ្តារោងសហគ្រាសគឺជាកន្លែងដែលប្រឈមខ្លាំង ក្នុងការចម្លងនៃជំងឺកូវីដ១៩ ប្រសិនបើតាមបណ្តារោងចក្រ សហគ្រាស និង កម្មករ កម្មការិនី អនុវត្តពុំទាន់បានត្រឹមត្រូវ តាមវិធានការរបស់ក្រសួងសុខាភិបាលនោះទេ ។ ដូចនេះម្ចាស់រោងចក្រសហគ្រាសនិងកម្មករ កម្មការិនី ត្រូវអនុវត្តតាមសេចក្តីណែនាំនេះ ដូចជាត្រូវពាក់ម៉ាស់ បាញ់អាល់កុលលាងសំអាតដៃឱ្យបានញឹក
ញាប់ ត្រូវរក្សាគម្លាតសុវត្ថិភាព ពិសេសនៅពេលហូបបាយត្រូវរក្សាគម្លាតឱ្យនៅឆ្ងាយពីគ្នា និង ពេលជិះរថយន្តត្រូវពាក់ម៉ាស់ឱ្យបានគ្រប់គ្នា និង កុំជជែកគ្នា និង ត្រូវតាមដានសុខភាពខ្លួនឯងជាប្រចាំ ។ ហើយប្រសិនបើមានការសង្ស័យថា ឆ្លងជំងឺកូវីដ១៩ ត្រូវរាយការណ៍មកអាជ្ញាធរ និង ប្រញាប់ទៅមន្ទីរពេទ្យរបស់រដ្ឋ ។ រាល់ពេលដែលជ្រើសរើសកម្មករ កម្មកា
រិនី ម្ចាស់រោងចក្រ ត្រូវសហការជាមួយមន្ទីរសុខាភិបាលដើម្បីពិនិត្យធ្វើតេស្តសុខភាពរកជំងឺកូវីដ១៩ ។

ឯកឧត្តម អម សុភា បានផ្តាំផ្ញើអោយតំណាងកម្មករ កម្មការិនី ត្រូវតែធ្វើការផ្សព្វផ្សាយបន្តដល់កម្មករ កម្មការិនី នៅក្នុងក្រុមរបស់ខ្លួន អំពីវិធានការ៣កុំ ៣ការពាររបស់រាជរដ្ឋាភិបាល និង ជម្រុញឱ្យចូលរួមទាំងអស់គ្នា ក្នុងការអនុវត្តតាមសេចក្តីណែនាំរបស់រដ្ឋបាលខេត្ត នោះយើងនឹងទប់ស្កាត់បាននូវការឆ្លង រីករាលដាលនៃជំងឺកូវីដ១៩ ចូលក្នុងសហគមរបស់យើង ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន