កំពង់ឆ្នាំង៖ នៅព្រឹកថ្ងៃពុធ ១៣រោច ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៧ ខែកក្កដា ឆ្នាំ២០២១នេះ ក្រុមប្រឹក្សាខេត្តកំពង់ឆ្នាំង បើកកិច្ចប្រជុំសាមញ្ញលើកទី២៥ អាបត្តិទី៣ ក្រោមអធិបតីភាព លោក សុីវ រុន សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ លោក ឡុង ឈុនឡៃ ប្រធានក្រុមប្រឹក្សាខេត្ត និងលោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ដោយមានការអញ្ជើញចូលរួមពីលោក លោកស្រីសមាជិកក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលសាលាខេត្ត និងថ្នាក់ដឹកនាំតាមមន្ទីរអង្គភាពជុំវិញខេត្ត ចូលរួមប្រជុំតាមរយៈប្រព័ន្ធវីដេអូ ZOOM នៅសាមីអង្គភាព។

កិច្ចប្រជុំ បានពិនិត្យ និងអនុម័តខ្លឹមសាររបៀបវារ:ដូចខាងក្រោម៖
-កំណត់ហេតុកិច្ចប្រជុំសាមញ្ញលើកទី២៤ អាបត្តិទី៣ របស់ក្រុមប្រឹក្សាខេត្តកំពង់ឆ្នាំង។
-របាយការណ៍បូកសរុបលទ្ធផលការងារប្រចាំខែមិថុនា ឆ្នាំ២០២១ និងលើកទិសដៅការងារសម្រាប់អនុវត្តបន្ត របស់រដ្ឋបាលខេត្តកំពង់ឆ្នាំង។
-ប្រតិទិននៃកិច្ចប្រជុំសាមញ្ញរបស់ក្រុមប្រឹក្សាខេត្ត អាណត្តិទី៣ រយះពេល១២ខែ ( ឆ្នាំ២០២១-២០២២ )។

ទន្ទឹមនឹងនោះ ក៏មានសេចក្តីរាយការណ៍សង្ខេបរបស់ គណៈកម្មាធិការពិគ្រោះយោបល់កិច្ចការស្រ្តី និងកុមារ ខេត្តកំពង់ឆ្នាំង(គ.ក.ស.ក) និងបញ្ហាផ្សេងៗទៀត ៕