រដ្ឋបាលខេត្តកំពង់ឆ្នាំង

Kampong Chhnang Administration
ស្វែងរក

ឯកឧត្តម អម សុភា អភិបាលរងខេត្តកំពង់ឆ្នាំង ចុះពិនិត្យ និងនាំយកសម្ភារៈការពារជំងីកូវីដ១៩ ផ្តល់ជូនមណ្ឌលព្យាបាលអ្នកជំងឺកូវីដ១៩នៅស្រុកបរិបូណ៌

កំពង់ឆ្នំាងៈឯកឧត្តម អម សុភា អភិបាលរងខេត្តកំពង់ឆ្នាំង តំណាងដ៍ខ្ពង់ខ្ពស់ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង អញ្ជើញចុះពិនិត្យ និងសាកសួរសុខទុក្ខនាំយកសម្ភារ:ការពារជំងឺកូវីដ១៩ មានម៉ាស់ ជែល និងថ្នាំបុរាណចិន របស់ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងផ្តល់ជូនមណ្ឌលព្យាបាលអ្នកជំងឺកូវីដ១៩ វិទ្យាល័យបរិបូណ៌ ស្រុកបរិបូណ៌ ខេត្តកំពង់ឆ្នាំង នៅព្រឹកថ្ងៃទី ១៧ ខែកក្កដា ឆ្នាំ២០២១ ដោយមានការចូលរួមរពីឯកឧត្តម អ៊ុក សារុន អាជ្ញាធរស្រុក និងក្រុមគ្រូពេទ្យផងដែរ ។

តាមការបញ្ជាក់របស់គ្រូពេទ្យប្រចាំការនៅមណ្ឌលព្យាបាលអ្នកជំងឺកូវីដ១៩ វិទ្យាល័យហ៊ុន សែន បរិបូណ៌មានអ្នកជំងឺកូវីដ១៩កំពុងសម្រាកព្យបាលជំងឺចំនួន ៨៩ នាក់ ហើយថ្ងៃទី១៧ ខែកក្កដា ឆ្នាំ២០២១នេះបានជាសះស្បើយចំនួន១២នាក់ស្រី៧នាក់ ។

មានប្រសាសន៍ក្នុងឱកាសនោះ ឯកឧត្តម អម សុភា បានពាំនាំការសួរសុខទុក្ខពីសំណាក់ឯកឧត្តម ស៊ុន សុវណ្ណារិទ្ធិ អភិបាលខេត្តជាពិសេសប្រមុខរាជរដ្ធាភិបាលដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែងតែយកចិត្ដទុកដាក់ខ្ពស់ចំពោះប្រជាពលរដ្ឋដែលកំពុងទទួលរងនូវផលប៉ះពាល់នៃជំងឺកូវីដ១៩ដែលកំពុងសម្រាកព្យាបាលនៅគ្រប់មណ្ឌលទាំងអស់នៅក្នុងព្រះរាជាណាចក្រកម្ពុជាជាពិសេសក្រុមគ្រូពេទ្យដែលជាមន្រ្តីជួរមុខបានលះបង់ទាំងកម្លាំងកាយ កម្លាំងចិត្តក្នុងការប្រយុទ្ធប្រឆាំងនឹងជំងឺកូវីដ១៩ ។

ក្នុងឱកាសនោះឯកឧត្តមក៏បានផ្តាំផ្ញើដល់មន្ត្រីប្រចាំការ និងក្រុមគ្រូពេទ្យ ព្រមទាំងបងប្អូនប្រជាពលរដ្ឋដែលកំពុងសម្រាកព្យាបាលនៅក្នុងមណ្ឌលត្រូវចូលរួមជាមួយរាជរដ្ធាភិបាលក្នុងការទប់ស្កាត់អោយបាននៃការរីករាលដាលនៃជំងឺកូវីដ១៩ ដោយធ្វើយ៉ាងណាអនុវត្តអោយបានទៅតាមការណែនាំរបស់ក្រសួងសុខាភិបាល ក៏ដូចជាវិធានការរបស់ប្រមុខរាជរដ្ឋាភិបាល ៣កុំ ៣ការពារ ដើម្បីយើងទាំងអស់គ្នារួចផុតពីជំងឺកូវីដ១៩ ។

ក្នុងឱកាសនោះឯកឧត្តមបានប្រគល់ជូនសម្ភារៈរបស់ឯកឧត្តមអភិបាលខេត្ត មានម៉ាស់ ចំនួន០២កេស ស្មើ៥០០០ម៉ាស់ ជែល៤០០ដបតូចនិងថ្នាំបុរាណចិនចំនួន១២០ប្រអប់សម្រាប់ទុកចែកដល់បងប្អូនដែលកំពុងសម្រាកព្យាបាលជំងឺផងដែរ ។

អត្ថបទទាក់ទង