កំពង់ឆ្នាំង៖ នៅព្រឹកថ្ងៃទី១២ ខែមករា ឆ្នាំ២០២៣នេះ លោក អម សុភា អភិបាលរងខេត្តកំពង់ឆ្នាំង ជាប្រធានលេខាធិការគ្រប់គ្រងគ្រោះមហន្តរាយខេត្ត ដោយមានការចូលរួមពីលោក ងិន ហ៊ុនប្រធានមន្ទីរ កសិកម្ម រុក្ខាប្រមាញ់ និងនេសាទខេត្ត អភិបាលរងស្រុកបរិបូណ៌ និងការិយាល័យ កសិកម្ម ធនធានធម្មជាតិ និងបរិស្ថានស្រុក បានចុះពិនិត្យមើលការងារដាំដុះដំណាំស្រូវ និងបន្លែរបស់បងប្អូនប្រជាពលរដ្ឋ។
ការចុះពិនិត្យមើលការងារដាំដុះដំណាំស្រូវ និងបន្លែរបស់បងប្អូនប្រជាពលរដ្ឋ ស្ថិតនៅក្នុងតំបន់ស្រោចស្រពទំនប់អាចាំង ដែលទទួលបានពូជស្រូវ និងពូជបន្លែ ដែលអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។
