រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សហភាព សហព័ន្ធយុវជនកម្ពុជា ខេត្តកំពង់ឆ្នាំង រៀបចំពិធីដាំដេីមឈេី​ ប្រលែងកូនត្រី​ និងបោះជំរំយុវជន ប្រចាំឆ្នាំ២០១៩

ដោយ taravongចំនួនទស្សនា (8)

ខេត្តកំពង់ឆ្នាំង៖ រសៀលថ្ងៃសៅរ៍​ ១៣​រោច​ ខែអស្សុជ ឆ្នាំកុរ​ ឯកស័ក​ ព.ស.​ ២៥៦៣​ ត្រូវនឹងថ្ងៃទី​ ២៦​ ខែ​ តុលា​ ឆ្នាំ ២០១៩​ ឯកឧត្តមបណ្ឌិត​ អ៊ុក​ រ៉ាប៊ុន​ រដ្ឋមន្ត្រីក្រសួងអភិវឌ្ឍន៍ជនបទ​ និងជាប្រធានក្រុមការងារថ្នាក់ជាតិចុះមូលដ្ឋាន ខេត្តកំពង់ឆ្នាំង បានអញ្ជេីញជាអធិបតីភាព ក្នុងពិធី ដាំដេីមឈេី​ ប្រលែងកូនត្រី​ និងបោះជំរំ នៅកសិដ្ឋានយុវជនភ្នំដេីមផ្កា​ (ឈ្វាំង)​ ស្រុករលាប្អៀរ​ ខេត្តកំពង់ឆ្នាំង របស់សហភាពសហព័ន្ធយុវជនកម្ពុជា ខេត្តកំពង់ឆ្នាំង​ និងសហភាពពសហព័ន្ធយុវជនក្នុងវិស័យអភិវឌ្ឍន៍ជនបទ។

ក្នុងពិធីនោះមានការអញ្ជើញចូលរួមពីឯកឧត្ដមរដ្ឋលេខាធិការ អនុរដ្ឋលេខាធិការ ក្រសួងអភិវឌ្ឍន៍ជនបទ ឯកឧត្ដម លោកជំទាវ សមាជិកក្រុមប្រឹក្សាខេត្ត ឯកឧត្ដម ហេង ពិទូ ប្រធានសហភាពសហព័ន្ធយុវជនកម្ពុជាខេត្ត ឯកឧត្តមអភិបាលរងខេត្ត ប្រធាន អនុប្រធាន មន្ទីរ អង្គភាព ក្នុងខេត្ត។

ឯកឧត្ដម ហេង ពិទូ ប្រធានសហភាពសហព័ន្ធយុវជនកម្ពុជាខេត្ត បានមានមតិស្វាគមន៍ៈ ការបោះជំរំនេះមានគោលបំណង ឱ្យយុវជន រៀនរស់នៅជាមួយធម្មជាតិ និងបង្កើនភាពជឿជាក់ដោយខ្លួនឯង ចេះធ្វើការផ្លាស់ប្តូរបទពិសោធន៍ទៅវិញទៅមក ដើម្បីឲ្យពួកគេ មានសមត្ថភាពពេញលេញ ក្នុងការអភិវឌ្ឍខ្លួនប្រកបទៅដោយភាពរឹងមាំ និងការរីកចម្រើន ក្លាយខ្លួនជាអ្នកដឹកនាំ ក្លាយខ្លួនជាសសរទ្រូង ដ៏រឹងមាំរបស់ប្រទេសជាតិ និងជាអ្នកបន្តវេនដ៏មានប្រសិទ្ធភាព។

ឯកឧត្ដម បានបន្តទៀតថាៈ ក្រៅពីពិធី ដាំដេីមឈេី​ ប្រលែងកូនត្រី​ និងបោះជំរំនេះ ក៏មាននូវកម្មវិធីផ្សេងៗមួយចំនួនទៀតដូចជា៖ កីឡាជិះកង់ប្រណាំងរយះចម្ងាយ ៣០គីឡូម៉ែត្រ រត់ និងដើរប្រណាំង កីឡាប្រណាំងទូក និងកម្មវិធីការរាំងលេងកម្សាន្តនាពេលរាត្រីផងដែរ។ ឯកឧត្ដមក៏បានថ្លែងអំណរគុណដល់មន្ទីរកសិកម្ម រុក្ខប្រមាញ់ និងនេសាទខេត្តកំពង់ឆ្នាំង ដែលបានជួយផ្តល់នូវកូនឈើ និងកូនត្រី ព្រមទាំងការសម្របសម្រួលរៀបចំក្នុងពិធីបោះជំរំនេះផងដែរ។ សូមបញ្ជាក់ផងដែរថា ការបោះជំរំនេះមានរយៈ ០២ថ្ងៃ ចាប់ពីថ្ងៃទី២៦ ដល់ថ្ងៃទី២៧ ខែតុលា ឆ្នាំ ២០១៩។

ក្នុងឱកាសនោះ ឯកឧត្តមបណ្ឌិត អ៊ុក រ៉ាប៊ុន បានមានមតិសំណេះសំណាល និងផ្តាំផ្ញើរដល់យុវជនទាំងអស់ត្រូវខិតខំរៀនសូត្រពីគ្នាទៅវិញទៅមកអោយបានច្រើន ដើម្បីផ្លាស់ប្តូរបទពិសោធន៍ពីគ្នាទៅវិញទៅមក ត្រូវចៀសឆ្ងាយពីគ្រឿងញៀន និងចូលរួមគោរពច្បាប់ចរាចរណ៍ ដើម្បីក្លាយជាទំពាំងស្នងឬស្សីនាពេលខាងមុខ។ ចុងបញ្ចប់គណៈអធិបតីបានថតរូបអនុស្សាវរីយ៍ជាមួយថ្នាក់ដឹកនាំ និងក្រុមយុវជនទាំងអស់ និងក្រុមកីឡាជិះកង់ផងដែរ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
បុណ្យទន្លេនៅខេត្តកំពង់ឆ្នាំងមានអ្វីប្លែកខ្លះ?

បុណ្យទន្លេនៅខេត្តកំពង់ឆ្នាំងមានអ្វីប្លែកខ្លះ? បើចង់ជ្រាបច្បាស់ សូមអញ្ជើញទេសចរជាតិ និងអន្តរជាតិចូលរួមទស្សនាកម្សាន្តឲ្យបានច្រើនកុះករ។ សូមអរគុណ!

បាន​បង្ហោះ​ដោយ ក្រសួងទេសចរណ៍ Ministry of Tourism, Cambodia នៅ សុក្រ 1 មីនា 2019
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2019

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 2 សប្ដាហ៍មុន