រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

វគ្គបណ្ដុះបណ្ដាលស្ដីពីនីតិវិធីអត្តសញ្ញាណកម្មគ្រួសារក្រីក្រ តាមការស្នើសុំ ក្នុងអំឡុងពេលប្រឆាំងនឹងជំងឺកូវីដ ១៩ នៅថ្នាក់ក្រុង ស្រុក

ដោយ taravongចំនួនទស្សនា (223)

កំពង់ឆ្នាំង៖ នាព្រឹកថ្ងៃចន្ទ ១២រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៨ ខែឧសភា ឆ្នាំ២០២០ មន្ទីរផែនការខេត្ត និងជាលេខាធិការដ្ឋានអត្តសញ្ញាណកម្មគ្រួសារក្រីក្រខេត្ត សហការជាមួយរដ្ឋបាលស្រុករលាប្អៀរ បានរៀបចំបើកវគ្គបណ្ដុះបណ្ដាលស្ដីពីនីតិវិធីអត្តសញ្ញាណកម្មគ្រួសារក្រីក្រ តាមការស្នើសុំ ក្នុងអំឡុងពេលប្រឆាំងនឹងជំងឺកូវីដ ១៩។

ពិធីប្រព្រឹត្តទៅក្រោមអធិបតីភាពឯកឧត្តម អម សុភា អភិបាលរងខេត្ត និងជាអនុប្រធានគណៈកម្មការកំណត់អត្តសញ្ញាណកម្មគ្រួសារក្រីក្រខេត្ត តំណាងឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង លោក ឌឹម ឌន ប្រធានមន្ទីរផែនការខេត្ត លោក យង់ សៅវុឌ្ឍី អភិបាលស្រុក និងមានការចូលរួមពីលោក លោកស្រី ប្រធានការិយាល័យផែនការ និងគាំទ្រឃុំ សង្កាត់ លោក លោកស្រី មេឃុំ ជំទប់ឃុំ ក្រុមប្រឹក្សាឃុំ ក្នុងស្រុករលាប្អៀរ សរុបមានចំនួន ៤៧រូប។

គោលបំណងនៃវគ្គបណ្ដុះបណ្ដាល គឺដើម្បីដល់ឱ្យលោក លោកស្រីមេឃុំ ក្រុមប្រឹក្សាឃុំ និងអ្នកពាក់ព័ន្ធបានយល់ដឹងកាន់តែច្បាស់អំពីដំណើការ និងនីតិវិធីនៃការអនុវត្តអត្តសញ្ញាណកម្មគ្រួសារក្រីក្រខេត្ត តាមការស្នើសុំ ក្នុងអំឡុងពេលប្រឆាំងនឹងជំងឺកូវីដ ១៩ និងចេះប្រើប្រាស់ឧបករណ៍ថាប្លេត ដើម្បីសម្ភាសន៍គ្រួសារក្រីក្រដែលបានដាក់ពាក្សស្នើសុំប័ណ្ណសមធម៌ សម្រាប់ទទួលសេវាសង្គមដោយឥតគិតថ្លៃពីរាជរដ្ឋាភិបាល។

ឯកឧត្តម អម សុភា អភិបាលរងខេត្ត បានធ្វើការផ្ដាំផ្ញើដល់លោក លោកស្រី មេឃុំ ក្រុមប្រឹក្សាឃុំ ត្រូវ ពិនិត្យមើលទៅលើគ្រួសារក្រីក្រនៅមូលដ្ឋានអោយបានគ្រប់ជ្រុងជ្រោយ និងអនុវត្តតាមនីតិវិធីអត្តសញ្ញាណកម្មគ្រួសារក្រីក្រ ជៀសវាងមានការថ្នាំងថ្នាក់ពីប្រជាពលរដ្ឋ និងត្រូវបន្ដខិតខំបំរើសេវាជូនប្រជាពលរដ្ឋអោយបានទាន់ពេលវេលា ពិសេសបន្តអោយប្រជាពលរដ្ឋមានអនាម័យល្អ ដើម្បីប្រយុទ្ធប្រឆាំង នឹងជំងឺកូវីដ ១៩ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 2 ថ្ងៃមុន