កំពង់ឆ្នាំង៖ អាជ្ញាធរស្រុកកំពង់ត្រឡាច បានចុះពិនិត្យទីតាំងផ្លូវស្របតាមមាត់ទន្លេ ស្ថិតក្នុងភូមិកំពង់ត្រឡាចក្រោម ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ដែលមានការបាក់ស្រុត កាលពីថ្ងៃទី២៣ ខែវិច្ឆិកា ឆ្នាំ២០២០ ដឹកនាំដោយលោក អាំ សុគន្ធ អភិបាលរងស្រុកកំពង់ត្រឡាច អាជ្ញាធរឃុំ និងក្រុមការងារ បានពិនិត្យឃើញថាទីតាំងផ្លូវស្របតាមមាត់ទន្លេ ដែលមានការបាក់ស្រុត មានប្រវែងប្រមាណ ៣០ម៉ែត្រ ពុំអាចបន្តឱ្យធ្វើចរាចរណ៍ទៀតបានឡើយ។
រដ្ឋបាលស្រុកកំពង់ត្រឡាច សម្រេចចេញសេចក្តីជូនដំណឹង ក្នុងការផ្អាកជាបណ្តោះអាសន្នក្នុងការធ្វើចរាចរណ៍ចំពោះយានយន្តគ្រប់ប្រភេទធ្វើចរាចរណ៍លើកំណាត់ផ្លូវតាមមាត់ទន្លេពីចំណុចភូមិកំពង់ត្រឡាចក្រោម ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ចាប់ពីថ្ងៃជូនដំណឹងនេះ រហូតដល់មានការជូនដំណឹងជាថ្មី ទើបបើកឱ្យដំណើរការឡើងវិញ ៕
![](https://asset.cambodia.gov.kh/provincial/sites/13/2020/11/IMG_20201125_080800.jpg)
![](https://asset.cambodia.gov.kh/provincial/sites/13/2020/11/IMG_20201125_083333_550-1024x498.jpg)
![](https://asset.cambodia.gov.kh/provincial/sites/13/2020/11/IMG_20201125_083330_963-1024x498.jpg)
![](https://asset.cambodia.gov.kh/provincial/sites/13/2020/11/IMG_20201125_083327_609-1024x498.jpg)