រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ថ្នាក់ដឹកនាំមន្ទីរកសិកម្មខេត្ត ចុះ​ចែក​​​ពូជស្រូវកង្រី LR85 ដល់កសិករដែលរងគ្រោះដោយទឹកជំនន់ទឹកទន្លេ នៅភូមិកោះថ្កូវ ស្រុកជលគិរី

ដោយ taravongចំនួនទស្សនា (176)

កំពង់ឆ្នាំង៖ នៅព្រឹកថ្ងៃអង្គារ ១កើត ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៥ ខែធ្នូ ឆ្នាំ២០២០នេះ កញ្ញា ហេង គឹមស្រៀង អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង និងសហការី បានចុះចែកពូជស្រូវកង្រី(LR85) ដល់កសិករដែលរងគ្រោះដោយទឹកជំនន់ទឹកទន្លេ ចំនួន ៤១គ្រួសារ សរុបចំនួនពូជស្រូវចំនួន ៤ ០៧៧គីឡូក្រាម។

ដែលកសិករមកពីភូមិចំនួន ១០ ក្នុងឃុំកោះថ្កូវ ស្រុកជលគិរី ដោយមានការចូលរួមពីអាជ្ញាភូមិ-ឃុំ និងការិយាល័យកសិកម្ម ធនធានធម្មជាតិ និងបរិស្ថានស្រុកជលគីរី នៅភូមិកោះថ្កូវ ឃុំកោះថ្កូវ ស្រុកជលគិរី ខេត្តកំពង់ឆ្នាំង ដែលជាអំណោយដ៏ថ្លៃថ្លារបស់ក្រសួងកសិកម្ម រុក្ខប្រមាញ់ និងនេសាទ ដោយ ៤០គ្រួសារគឺក្នុង១គ្រួសារទទួលបានពូជស្រូវចំនួន ១០០គីឡូក្រាម ហើយ១គ្រួសារទៀតទទួលបានតែចំនួន ៧៧គីឡូក្រាម ដោយសារតែគាត់មានផ្ទៃដីតូចជាងគេ។

បន្តមកនៅពេលរសៀល កញ្ញាអនុប្រធានមន្ទីរ និងសហការី បានបន្តដំណើរចុះពិនិត្យកាងារបង្កបង្កើនដំណាំស្រូវប្រាំងរបស់ប្រជាពលរដ្ឋនៅតាមដងទន្លេសាប ក្នុងគោលបំណង៖ លើកទឹកដល់កសិករ អោយពួកគាត់ខិតខំប្រឹងប្រែងធ្វើស្តារឡើងវិញនូវផលិតកម្មដំណាំស្រូវរបស់ពួកគាត់ និងរួមចំនែកក្នុងការផលិតស្បៀងអាហារសម្រាប់បរិភោគ និងលក់ដើម្បីបង្កើនប្រាក់ចំណូលគ្រួសារ ក្នុងអំឡុងពេលសកលលោកក៏ដូចប្រទេសកម្ពុជាជួបវិបត្តិសេដ្ឋកិច្ចដោយសារជម្ងឺCovid-19នាពេលបច្ចុប្បន្ន ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន