កំពង់ឆ្នាំង៖ កាលពីព្រឹកថ្ងៃទី២៥ ខែធ្នូ ឆ្នាំ២០២០ ដឹកនាំដោយលោក វន ស៊ីផា អភិបាលនៃគណៈអភិបាលស្រុកសាមគ្គីមានជ័យ និងជាប្រធានគណ:បញ្ជាការឯកភាពរដ្ឋបាលស្រុក ដើម្បីបូកសរុបសភាពការណ៍ លទ្ធផលកិច្ចប្រតិបត្តិការ និងលើកទិសដៅការងារអនុវត្តបន្តឆ្នាំ២០២១ ដោយមានការឣញ្ជើញចូលរួមពី លោក លោកស្រីដែលជាសមាជិក និងសមាជិកា នៃគណ:បញ្ជាការឯកភាពរដ្ឋបាលស្រុក និងមន្ត្រីពាក់ព័ន្ធមួយចំនួនក្នុងស្រុក ដែលមានសមាសភាពចូលរួមសរុប ចំនួន ៣៤ នាក់ ស្រី ០៥ នាក់។

កិច្ចប្រជុំគណៈបញ្ជាការឯកភាពរដ្ឋបាលស្រុកសាមគ្គីមានជ័យ បានឣនុវត្តតាមរបៀបវារ:ដូចខាងក្រោម÷

• ប្រកាសហេតុ គណៈអធិបតី និងភ្ញៀវចូលរួម
• ប្រសាសន៍សំណេះសំណាល និងបើកកិច្ចប្រជុំរបស់លោកអភិបាលនៃគណៈអភិបាលស្រុក និងជាប្រធានគណ: បញ្ជាការឯកភាពរដ្ឋបាលស្រុកសាមគ្គីមានជ័យ
• ការងារសន្តិសុខ និងសណ្ដាប់ធ្នាប់សង្គម
  •ផ្សព្វផ្សាយផែនការបុណ្យចូលឆ្នាំសកល ឆ្នាំ២០២១
  •ផ្សព្វផ្សាយផែនការណែនាំបុណ្យជាតិ ៧ មករា ២០២១
  •ផ្សព្វផ្សាយផែនការនៃព្រឹត្តិការណ៍សំខាន់ៗ
  •ផ្សព្វផ្សាយផែនការសកម្មភាពការងារពាក់ព័ន្ធ Covid -19
• បញ្ហាផ្សេងៗ
• បូកសរុប និងបិទអង្គប្រជុំ

បន្ទាប់ពីបានស្តាប់របាយការណ៍បូកសរុបសភាពការណ៍ និងលទ្ធផលនៃកិច្ច ប្រតិបត្តិការរបស់គណ:បញ្ជាការឯកភាពរដ្ឋបាលស្រុករួចមក លោក វន ស៊ីផា អភិបាលនៃគណៈអភិបាលស្រុក និងជាប្រធានគណ:បញ្ជាការឯកភាពរដ្ឋបាលស្រុកសាមគ្គីមានជ័យ បានថ្លែងនូវការកោតសរសើរចំពោះគណៈបញ្ជាការឯកភាពស្រុក ដែលកន្លងមកបានបំពេញកិច្ចការរបស់ខ្លួនយ៉ាងយកចិត្តទុកដាក់ទៅតាមតួនាទី និងភារកិច្ចរបស់ខ្លួនបានល្អ។

ក្នុងឱកាសនោះផងដែរ លោក វន ស៊ីផា បានសំណូមពរផងដែរចំពោះមន្រ្តីជំនាញ និងកងកម្លាំងចម្រុះទាំងអស់ត្រូវយកចិត្តទុកដាក់បំពេញភារកិច្ចរបស់ខ្លួន ត្រូវបន្តការក្តាប់សភាពការណ៍ទូទៅក្នុងស្រុក ដែលទាក់ទិនបញ្ហាសន្តិសុខជាតិ សណ្តាប់ធ្នាប់សាធារណ: បង្ការទប់ស្កាត់បទល្មើសគ្រប់ប្រភេទ ក្តាប់មុខសញ្ញាឱ្យបានចោរលួច ចោរប្លន់ចេញពីពន្ធន្ធាគារ ពិសេសចាត់វិធានការដែលមានប្រសិទ្ធិភាពនានាក្នុងការប្រយុទ្ធ ប្រឆាំងគ្រឿងញៀនខុសច្បាប់ និងជម្រុញឱ្យអាជ្ញាធរគ្រប់លំដាប់ថ្នាក់ត្រូវបន្តចុះធ្វើការអប់រំផ្សព្វផ្សាយដល់មូលដ្ឋានឱ្យបានជាប់ជាប្រចាំឣំពីវិធានការបង្ការទប់ស្កាត់ការឆ្លងរីករាលដាលនៃជំងឺកូវិដ-១៩ ជាពិសេសពលករទើបវិលត្រឡប់មកពីបម្រើការងារប្រទេសថៃ និងក្រៅប្រទេស ។

ជាចុងបញ្ចប់ លោកអភិបាលស្រុក បានចែកជូនម៉ាស់ ១ ប្រឣប់ និងឣាល់កុលជែលសម្រាប់លាងដៃ ១ ដប ដល់លោក និងលោកស្រីដែលជាសមាជិក និងសមាជិកានៃគណ:បញ្ជាការឯកភាពរដ្ឋបាលស្រុក សរុប ម៉ាស់ ចំនួន
៣៤ ប្រឣប់ និងនិងឣាល់កុលជែលសម្រាប់លាងដៃ ចំនួន ៣៤ ដបផងដែរ ៕