កំពង់ឆ្នាំង៖ ថ្ងៃទី ៣០ ខែធ្នូ ឆ្នាំ២០២០នេះ អយ្យការអមសាលាដំបូងខេត្តកំពង់ឆ្នាំង ដឹកនាំដោយឯកឧត្តម អុិត សុធា ព្រះរាជអាជ្ញា បានបើកកិច្ចប្រជុំបូកសរុបលទ្ធផលការងារឆ្នាំ២០២០ និងលើកទិសដៅសកម្មភាពការងារបន្តក្នុងឆ្នាំ២០២១ របស់ស្ថាប័នអយ្យការខេត្តកំពង់ឆ្នាំង។
ក្នុងកិច្ចប្រជុំនេះអយ្យការខេត្តកំពង់ឆ្នាំង បានបូកសរុបការងាររបស់ស្ថាប័នអយ្យការកន្លងទៅ ជាលទ្ធផលឃើញថា សំណុំរឿងស៊ើបអង្កេតនៅអយ្យការក្នុងឆ្នាំ២០២០ គឺ៨០% ត្រូវបានចាត់ការរួច ។ រីឯសំណុំរឿងចាស់ៗ គិតចាប់ពីមុនថ្ងៃទី២៥ ខែឧសភា ឆ្នាំ២០២០ គឺបានចាត់ការអស់ ១០០% ក្នុងរយៈពេលនៃយុទ្ធនាការកកស្ទះសំណុំរឿងនេះ។
ចំពោះការលើកទិសដៅរបស់ស្ថាប័នអយ្យការខេត្តកំពង់ឆ្នាំងក្នុងឆ្នាំ២០២១នេះ ឯកឧត្តមព្រះរាជអាជ្ញា បានមានប្រសាសន៍ថា សំណូមពរអោយមន្រ្តីរាជការការនៃស្ថាប័នអយ្យការខេត្តកំពង់ឆ្នាំងឱ្យរក្សានូវក្រមសីលធម៌វិជ្ជាជីវៈ និងបន្តរក្សាចំណាត់ការសំណុំរឿងអង្កេតអោយបានលឿន តម្លាភាព និងមានប្រសិទ្ធភាពខ្ពស់។ ជាពិសេសបន្តគោរពតាមអភិក្រមទាំង ០៤ ចំណុច " លឿន ត្រឹមត្រូវ យុត្តិធម៌ និងមិនពុករលួយ " របស់ ឯកឧត្តមរដ្ឋមន្រ្តីក្រសួងយុត្តិធម៌ ៕
![](https://asset.cambodia.gov.kh/provincial/sites/13/2021/01/IMG_20201230_204949_843-1024x575.jpg)
![](https://asset.cambodia.gov.kh/provincial/sites/13/2021/01/IMG_20201230_204951_709-1024x576.jpg)
![](https://asset.cambodia.gov.kh/provincial/sites/13/2021/01/IMG_20201230_204953_232-1024x682.jpg)
![](https://asset.cambodia.gov.kh/provincial/sites/13/2021/01/IMG_20201230_204956_812-1024x682.jpg)
![](https://asset.cambodia.gov.kh/provincial/sites/13/2021/01/IMG_20201230_204958_448-1024x682.jpg)
![](https://asset.cambodia.gov.kh/provincial/sites/13/2021/01/IMG_20201230_204949_843-1-1024x575.jpg)