រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងលោកជំទាវ អញ្ជើញក្រុងពលីឆ្លងដាក់ឱ្យប្រើប្រាស់ជាផ្លូវការសួនច្បារថ្មីនៅមុខវិទ្យាល័យក្រុងកំពង់ឆ្នាំង

ដោយ taravongចំនួនទស្សនា (170)

កំពង់ឆ្នាំង៖ សួនច្បារថ្មីដែលប្រសិទ្ធិនាមថា “សួនច្បារសម្តេចព្រះសង្ឃរាជជួន ណាត” សាងសង់លើផ្ទៃដីជាងកន្លះហិកតា នៅមុខវិទ្យាល័យក្រុងកំពង់ឆ្នាំង ត្រូវបានអាជ្ញាធរខេត្ត ធ្វើពិធីក្រុងពលីឆ្លងដាក់ឱ្យប្រើប្រាស់ជាផ្លូវការនៅព្រឹកថ្ងៃទី៦ ខែមករា ឆ្នាំ២០២១ ក្រោមអធិបតីភាព ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងលោកជំទាវ មានការអញ្ជើញចូលរួមពីឯកឧត្ដម លោកជំទាវ អភិបាលរងខេត្ត លោក លោកស្រី ជាថ្នាក់ដឹកនាំមន្ទីរអង្គភាពជុំវិញខេត្ត។

គូសបញ្ជាក់ថា សួនច្បារថ្មីដែលធ្វើពិធីឆ្លងនេះ បានប្រសិទ្ធិនាមថា “សួនសម្តេចព្រះសង្ឃរាជជួនណាត” បានចាប់ដំណើការសាងសង់កាលពីខែសីហា ឆ្នាំ២០១៩ ហើយសួននេះមានទទឹង២១ម៉ែត្រ និងបណ្តោយ២៤០ម៉ែត្រ នៅលើផ្ទៃសួនទាំងមូលលម្អដោយដាំស្មៅ ផ្ការ បំពាក់ភ្លើងអំពូល និងមានបុស្បុកមួយតំកល់រូបសំណាកសម្ដេចព្រះមហាសុមេធាធិបតី ជួន ណាត (ជោតញ្ញាណោ) ស្ថិតនៅមុខវិទ្យាល័យក្រុងកំពង់ឆ្នាំង ក្នុងភូមិសាស្ត្រសង្កាត់ខ្សាម ក្រុងកំពង់ឆ្នាំង។

ឯកឧត្តម ឈួរ ច័ន្ទឌឿន បានមានប្រសាសន៍ថា ការដាក់រូបសំណាក សម្តេចព្រះសង្ឃរាជជួន ណាត នៅលើសួរច្បារថ្មីនេះមុខសាលានេះ គឺជានិមិត្តរូប ទុកឲ្យយុវជនជំនាន់ក្រោយ បានស្គាល់បុព្វបុរស ដែលមានគុណបំណាច់ ចំពោះប្រទេសជាតិ និងជាការលើកកំពស់ វិស័យព្រះពុទ្ធសាសនា។ ប្រជាពលរដ្ឋ ជិតឆ្ងាយមកលំហែកំសាន្តនៅទីតាំងសួនថ្មី របស់ខេត្តកំពង់ឆ្នាំង ឬអាចមកហាត់ប្រាណដែលមានបរិយាកាស បរិស្ថានល្អ និងចូលរួមថែរក្សាសួនមួយនេះដើម្បីប្រយោជន៍រួមទាំងអស់គ្នា ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 6 ថ្ងៃមុន