រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

គ្រួសារ ងាយរងគ្រោះ ចំនួន ២០គ្រួសារ រស់នៅក្នុងឃុំសេដ្ឋី ស្រុកសាមគ្គីមានជ័យ ទទួលបានអំណោយពីអង្គការតុកកែញញឹមកម្ពុជា

ដោយ taravongចំនួនទស្សនា (15)

កំពង់ឆ្នាំង៖ ថ្ងៃព្រហស្បតិ៍ ១កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែមករា ឆ្នាំ២០២១នេះ អង្គការតុកកែញញឹមកម្ពុជា សហការជាមួយរដ្ឋបាលស្រុកសាមគ្គីមានជ័យ បានបន្តចុះចែកអំណោយសប្បុរសធម៌ ជូនប្រជាពលរដ្ឋងាយរងគ្រោះបំផុត តាមខ្នងផ្ទះចំនួន ២០ គ្រួសារ ក្នុងភូមិវត្តសេដ្ឋី ចំនួន ៥ គ្រួសារ, ភូមិក្រាំងសៀម, ចំនួ ន ៥ គ្រួសារ, ភូមិបឹងលាជ ចំនួន ៥ គ្រួសារ និងភូមិស្ពានពោធិ៍ ចំនួន ៥ គ្រួសារ ស្ថិតក្នុងឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។

ការចុះចែកអំណោយនោះ ដឹកនាំដោយលោក វ៉ន ចន មន្ត្រីទទួលបន្ទុកសម្រប សម្រួលសហគមន៍ របស់អង្គការតុកែញញឹមកម្ពុជា, បុគ្គលិកឣង្គការ, សមាជិកក្រុមប្រឹក្សាស្រុក, ជំទប់ឃុំ, យុវជនឃុំ, ប្រជាការពារ និងថ្នាក់ដឹកនាំភូមិ។

សម្ភារដែលបានចែកជូនរួមមាន៖ អង្ករ ចំនួន ២៥ គីឡូក្រាម , បន្លែរ ១ គីឡូក្រាម, ត្រី ១ គីឡូក្រាម , ទឹកត្រី ០២ដប , ទឹកស៊ីអ៊ីវ ២ ដប, ស្កសរ ១ គីឡូក្រាម , អំបិលអុីយ៉ូត ១ គីឡូក្រាម, ខ្ទឹមស ១ គីឡូក្រាម , ប្រេងឆា ១ លីត្រ , ទឹកសណ្តែក ១ យួរ , សាច់ ១ គីឡូក្រាម, សាប៊ូ Protect ចំនួន ២ ដុំ និងជែលសម្រាប់លាងដៃ ២ ដប។

ក្នុងឱកាសនោះ លោក វ៉ន ចន ក៏បានធ្វើការផ្តាំផ្ញើដល់បងប្អូនប្រជាពរដ្ឋត្រូវចេះថែទាំសុខភាពរស់នៅប្រកបដោយអនាម័យស្អាត ហូបស្អាត ផឹកស្អាត ពិសេសគឺការរស់នៅតាមបែបគន្លងថ្មីដោយចូលរួមទប់ស្កាត់កុំឱ្យឆ្លងជំងឺកូវីដ១៩ ដោយអនុវត្តតាមការណែនាំរបស់ក្រសួងសុខាភិបាល ជាពិសេសបង្កើនមុខរបរប្រចាំថ្ងៃឱ្យកាន់តែប្រសើរឡើង ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 2 ថ្ងៃមុន