រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សម្ព័ន្ធយុវជនមុស្លិមកម្ពុជា ខេត្តកំពង់ឆ្នាំង រៀបចំកិច្ចប្រជុំបូកសរុបលទ្ធផលការងារឆ្នាំ២០២០ និងលើកទិសដៅឆ្នាំ២០២១

ដោយ taravongចំនួនទស្សនា (45)

កំពង់ឆ្នាំង៖ សមាគមសម្ព័ន្ធយុវជនមុស្លិមកម្ពុជា (ស.យ.ម.ក) នៅព្រឹកថ្ងៃទី១៤ ខែកុម្ភៈ ឆ្នាំ២០២១ បានរៀបចំកិច្ចប្រជុំយុវជនសាខាខេត្តកំពង់ឆ្នាំង បូកសរុបលទ្ធផលការងារដែលសម្រេចបាន២០២០កន្លងមក និងលើកទិសដៅអនុវត្តបន្តសម្រាប់ឆ្នាំ២០២១ ក្រោមអធិបតីភាពឯកឧត្តមបណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមប្រឹក្សាភិបាល ស.យ.ម.ក។

ឯកឧត្តមបណ្ឌិត អូស្មាន ហាស្សាន់ ក្នុងនាមពលរដ្ឋ និងយុវជន គឺមានកាតព្វកិច្ចត្រូវតែចូលរួមបំពេញរាល់កិច្ចការងារសង្គម និងសហគមរបស់យើងអ្វីកើតឡើងនិងទទួលបានជាបន្តបន្ទាប់មកដល់ពេលនេះ ក៏ដោយសារតែរលកមុនដែលធ្លាប់ជាយុវជន ជាកោសិកាសង្គម ដែលបានខិតខំប្រឹងប្រែងលះបង់គ្រប់បែបយ៉ាងដើម្បីសង្គម និងជាតិទាំងមូល។ ហេតុនេះ ក្នុងនាមកូនក្មួយជាយុវជនបច្ចុប្បន្ក៏ត្រូវដាក់ខ្លួន ហានលះបង់កម្លាំងកាយពេលវេលា ប្រកបដោយឆន្ទៈ ដើម្បីបន្តវេណជាអ្នកបានចូលរួមកសាងសង្គមជាតិយើង ដូចជាស្នាដៃនានាដែលថ្នាក់ដឹកនាំរាជរដ្ឋាភិបាល ដូចសម្តេចតេជោ ហ៊ុន សែន ជានាយករដ្ឋមន្ត្រី បានធ្វើកន្លងមកតាំងពីខ្លួននៅយុវជនមកម៉្លេះ ហើយលោកលើកទឹកចិត្ត និងយកចិត្តទុកដាក់ណាស់ដល់កូនក្មួយយុវជនទាំងអស់។

នៅចុងបញ្ចប់កម្មវិធី ប្រធានគណៈអធិបតីក៏បានអញ្ជើញអផ្តល់ប័ណ្ណសរសើរដល់ ស.យ.ម.ក ខេត្តកំពង់ឆ្នាំង ជាការលើកទឹកចិត្ត និងថ្លែងអំណរគុណដល់ការខិតខំប្រឹងប្រែងចូលរួមគ្រប់សកម្មភាពការងារក្នុងជួរយុវជន នៅតាមសហគមន៍របស់ខ្លួន ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 20 ម៉ោងមុន