កំពង់ឆ្នាំង៖ នាព្រឹកថ្ងៃព្រហស្បតិ៍ ១៤កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៥ ខែកុម្ភៈ ឆ្នាំ២០២១នេះ អាជ្ញាធរស្រុកកំពង់ត្រឡាច ចុះផ្សព្វផ្សាយពីវិធីបង្ការការពារ និងទប់ស្កាត់ ការឆ្លងរីករាលដាលនៃជំងឺកូវីដ១៩ ជូនដល់ប្រជាពលរដ្ឋ និងអាជីវករ តាមទីប្រជុំជន ផ្សារ រោងការ និងតាមបណ្តាលផ្លូវនានាក្នុងឃុំនីមួយៗ ទៅតាមគោលដៅមាន៖ ទី១.ផ្សារសាលាលេខ៥ ទី២.ផ្សារថ្នល់ទទឹង និងផ្សារកំពង់តាជេស ទី៣.ផ្សារក្បាល់ថ្នល់សេប និងផ្សារកំពង់ប្រាសាទ ស្ថិតនៅក្នុងស្រុកកំពង់ត្រឡាច ខេត្តកំពង់ឆ្នាំង។
ការចុះផ្សព្វផ្សាយនេះដឹកនាំដោយលោក សន សំអាត លោក អាំ សុគន្ធ អភិបាលរងស្រុកកំពង់ត្រឡាច។ ដោយមានការចូលរូមពីមន្ត្រីសាលាស្រុក កម្លាំងអធិការដ្ឋាននគរបាលស្រុក ការិយាល័យប្រតិបត្តិស្រុក ដែលបានផ្សព្វផ្សាយ ដល់ប្រជាពលរដ្ឋតាមឃោសនព័ព្ទ ពីវិធីបង្ការការពារ និងទប់ស្កាត់ ការឆ្លងនៃជំងឺកូវីដ១៩ (Covid -19)។
ក្នុងឱកាសនៃការចុះផ្សព្វផ្សាយនោះដែរ លោក អភិបាលរងស្រុក បានធ្វើការណែនាំដល់បងប្អូន ប្រជាពលរដ្ឋទូទៅ ឱ្យចេះធ្វើអនាម័យ និងការពារដោយពាក់ម៉ាស់ លាងដៃនឹងអាល់កុល ឬសាប៊ូ ឬជែល និងត្រូវអនុវត្តតាមការណែនាំរបស់ក្រសួងសុខាភិបាល ៕
![](https://asset.cambodia.gov.kh/provincial/sites/13/2021/03/IMG_20210304_093300_857.jpg)
![](https://asset.cambodia.gov.kh/provincial/sites/13/2021/03/IMG_20210304_093256_542.jpg)
![](https://asset.cambodia.gov.kh/provincial/sites/13/2021/03/IMG_20210304_093258_321.jpg)
![](https://asset.cambodia.gov.kh/provincial/sites/13/2021/03/IMG_20210304_093300_857-1.jpg)
![](https://asset.cambodia.gov.kh/provincial/sites/13/2021/03/IMG_20210304_093302_387-1024x531.jpg)
![](https://asset.cambodia.gov.kh/provincial/sites/13/2021/03/IMG_20210304_093305_520-1024x582.jpg)
![](https://asset.cambodia.gov.kh/provincial/sites/13/2021/03/IMG_20210304_093329_050-1024x624.jpg)
![](https://asset.cambodia.gov.kh/provincial/sites/13/2021/03/IMG_20210304_093322_148-1024x498.jpg)
![](https://asset.cambodia.gov.kh/provincial/sites/13/2021/03/IMG_20210304_093320_505-1024x580.jpg)
![](https://asset.cambodia.gov.kh/provincial/sites/13/2021/03/IMG_20210304_093307_812-1024x498.jpg)