រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំង ដឹកនាំ សមាជិក សមាជិកា ខេត្ត និងស្រុកកំពង់ត្រឡាច ចុះសួរសុខទុក្ខដល់ក្រុមគ្រូពេទ្យ កំពុងប្រចាំការនៅមន្ទីរពេទ្យបង្អែកកំពង់ត្រឡាច និងប្រជាពលរដ្ឋកំពុងធ្វើចត្តាឡីស័ក

ដោយ taravongចំនួនទស្សនា (11)

កំពង់ឆ្នាំង៖ នៅថ្ងៃព្រហស្បតិ៍ ១២កើត ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៥ ខែមីនា ឆ្នាំ២០២១នេះ ឯកឧត្តម ហេង ពិទូ ប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំង (ស.ស.យ.ក) បានដឹកនាំ សមាជិក សមាជិកា ខេត្ត និងស្រុកកំពង់ត្រឡាច ចុះសួរសុខទុក្ខដល់ក្រុមគ្រូពេទ្យ ដែលកំពុងប្រចាំការនៅមន្ទីរពេទ្យបង្អែកកំពង់ត្រឡាច និងបងប្អូនប្រជាពលរដ្ឋដែលកំពុងធ្វើចត្តាឡីស័ក នៅមណ្ឌលចត្តាឡីស័កកំពង់ត្រឡាច។

ដោយមានការចូលរួមពីឯកឧត្តម សាន់ យូ សមាជិកអចិន្ត្រៃយ៍សហភាពសហព័ន្ធយុវជនកម្ពុជាខេត្តកំពង់ឆ្នាំង លោក ឈឹម វុទ្ធា អភិបាលស្រុក លោកវេជ្ជបណ្ឌិត លឹម ឃុន ប្រធានប្រតិបត្តិស្រុកកំពង់ត្រឡាច។ សម្ភារដែលបាននាំយកចែកជូនរួមមាន៖ ទឹកសុទ្ធ៣៥០ យួរ ទឹកក្រូច២៨ កេស ត្រីខ១០ យួរ មី១៧ កេស ម៉ាស់៦០ ប្រអប់ សាប៊ូដុសខ្លួន៣០ ដុំ អាល់កុល៣០ លីត្រ និង៥០ ដបតូច និងថវិកា ៨០០,០០០ រៀល។

ឆ្លៀតនៅក្នុងឱកាសនៃការចុះសួរសុខទុក្ខនោះ ឯកឧត្តម ហេង ពិទូ បានលើកទឹកចិត្តដល់ក្រុមគ្រូពេទ្យដែលបានយកអស់កម្លាំងកាយ ចិត្ត ក្នុងការទប់ស្កាត់ បង្ការ ជម្ងឺកូវីដ-១៩ ហើយក៏បានផ្តាំផ្ញើទៅដល់បងប្អូនដែលកំពុងធ្វើចត្តាឡីស័ក ត្រូវយកចិត្តទុកដាក់ថែរក្សាសុខភាព ត្រូវរក្សាឱ្យបាននូវគោលការណ៍ ៣ការពារ ៣កុំ របស់ប្រមុខរាជរដ្ឋាភិបាលកម្ពុជា និងអនុវត្តអនាម័យឱ្យបានត្រឹមត្រូវតាមក្រសួងសុខាភិបាល ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 2 ថ្ងៃមុន