កំពង់ឆ្នាំង៖ នៅព្រឹកថ្ងៃព្រហស្បតិ៍ ១១កើត ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹងថ្ងៃទី ២២ ខែមេសា ឆ្នាំ២០២១នេះ លោកជំទាវ កែ ច័ន្ទមុនី អ្នកតំណាងរាស្ត្រ មណ្ឌលកំពង់ឆ្នាំង លោកជំទាវ ដោក សុទ្ធា ទីប្រឹក្សារាជរដ្ឋាភិបាល លោកជំទាវ គ្រី សារ៉ន អនុប្រធានសម្ព័ន្ធប្រជាជនដើម្បីសន្តិភាព ទូទាំងប្រទេស និងជាប្រធានស័ម្ពន្ធប្រជាជនដើម្បីសន្តិភាព ប្រចាំខេត្តកំពង់ឆ្នាំង និងសហការី បានអញ្ជើញសួរសុខទុក្ខក្រុមគ្រូពេទ្យ និងបងប្អូនដែលកំពុងធ្វើចត្តាឡីស័ក នៅមណ្ឌលចត្តាឡីស័កទឹកហូត ស្រុករលាប្អៀរ។

ក្នុងឱកាសនោះលោកជំទាវបាននាំយកនូវសម្ភារៈរួមមាន៖ ទឹកសុទ្ធ១០០យួរ និង១០កេស ក្រមា៣០ និងថវិកា ៥០០,០០០រៀល ជូនដល់មណ្ឌលចត្តាឡីស័កទឹកហូត សម្រាប់យកទៅប្រើប្រាស់ជាតម្រូវការក្នុងពេលបរិបទកូវីដ-១៩។

លោកជំទាវ បានលើកទឹកចិត្តដល់ក្រុមគ្រូពេទ្យដែលបានយកអស់កម្លាំងកាយ ចិត្ត ក្នុងការទប់ស្កាត់ បង្ការ ជម្ងឺកូវីដ-១៩ ហើយក៏បានផ្តាំផ្ញើទៅដល់បងប្អូនដែលកំពុងធ្វើចត្តាឡីស័ក ត្រូវយកចិត្តទុកដាក់ថែរក្សាសុខភាព ព្រមទាំងចូលរួមអនុវត្តឱ្យបានម៉ឺងម៉ាត់់នូវវិធានការគឺ ៣ការពារ និង៣កុំ របស់ប្រមុខរាជរដ្ឋាភិបាលកម្ពុជា ៕