កំពង់ត្រឡាច៖ នៅថ្ងៃព្រហស្បតិ៍ ១០រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី៦ ខែឧសភា ឆ្នាំ២០២១នេះ លោក សន សំអាត ប្រធានសហភាពសហព័ន្ធយុវជនកម្ពុជា (ស.ស.យ.ក) ស្រុកកំពង់ត្រឡាច បានដឹកនាំ សមាជិក សមាជិកា ស.ស.យ.ក ថ្នាក់ស្រុក និងថ្នាក់ឃុំ ចំនួន១៥នាក់ នាំយកនូវអំណោយជូនដល់គ្រួសារដែលរងគ្រោះ ខ្យល់កន្ត្រាក់រលំផ្ទះទាំងស្រុង ចំនួន ០២គ្រួសារ។
- គ្រួសារទី១ ឈ្មោះ ហួន ហឿន ប្រពន្ធឈ្មោះ អេង ម៉ៅ នៅភូមិក្រឡាញ់ ឃុំអូឬស្សី (ដើមឈើរលំកិនខ្ទមទាំងស្រុង ប្រពន្ធ រងរបួស សំរាកនៅមន្ទីរពេទ្យខេត្ត )
- គ្រួសារទី២ ឈ្មោះ ឌុច ឆុន ប្តី វ៉ាត ស្រីមុំ ប្រពន្ធ នៅភូមិ កាអត ឃុំពានី (រលំខ្ទមទាំងស្រុង)។ ក្នុងមួយគ្រួសារៗ ទទួលបាន៖ អង្ករ២០គីឡូក្រាម , មី ១កេស+១៥កញ្ចប់ ,ទឹកអុីវ២ដប ,ទឹកត្រី១យួរ, ម៉ាស់១ប្រអប់ , ទឹកម្ទេះ ១យួរ, ទឹកសៀង១យួរ និងថវិកា ចំនួន ១០មុឺនរៀល។
លោកក៏បានធ្វើការណែនាំដល់បងប្អូនត្រូវអនុវត្តវិធានការ ៣ការពារ និង៣កុំ ឱ្យបានខ្ជាប់ខ្ជួនគ្រប់គ្នា និងក្នុងករណីដែលបងប្អូនមកពីខាងក្រៅខេត្ត ស្រុកយើងត្រូវរាយការណ៍ទៅអាជ្ញាធរ ដើម្បីយកទៅធ្វើចត្តាឡីស័កបង្ការការឆ្លងរាលដាលនៃជំងឺកូវីដ-១៩ ក្នុងភូមិ ឃុំ នឹងសហគមន៍យើង ៕
