រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ប្រជាពលរដ្ឋចំនួន ៦៦គ្រួសារ រស់នៅក្នុងឃុំពានី ស្រុកកំពង់ត្រឡាច ខេត្តកំពង់ឆ្នាំង ទទួលបានអំណោយពីព្រះសង្ឃ និងអាជ្ញាធរ

ដោយ taravongចំនួនទស្សនា (62)

កំពង់ឆ្នាំង៖ ព្រឹកថ្ងៃអង្គារ ១៤កើត ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៥ ខែឧសភា ឆ្នាំ២០២១ ព្រះគ្រូរតនានុល័ក្ខ អុី កុសល ព្រះ រាជាគណៈ ថ្នាក់ កិ តិ្ត យសទីប្រឹក្សា ផ្ទាល់ សម្តេចព្រះ អគ្គ មហា សង្ឃ រាជាធិបតី កិត្តិ ឧ ទេ្ទ ស បណ្ឌិត ទេព វង្ស សម្តេចព្រះ មហាសង្ឃរាជ នៃ ព្រះរាជាណាចក្រ កម្ពុជា និង ជា ព្រះវិន័យធរស្រុកកំពង់ត្រឡាច និងជាព្រះគ្រូចៅអធិការវត្តពានី ព្រមទាំងគណៈកម្មការវត្ត ដោយមានការចូលរួមពីមេឃុំ ក្រុមប្រឹក្សាឃុំ មេភូមិ អនុភូមិ សមាជិកភូមិទាំង៩ និងសម្ពន្ធយុវជនស្រលាញ់សន្តិភាពឃុំពានី ចុះចែកអំណោយជូនដល់ប្រជាពលរដ្ឋដែលបានបិទខ្ទប់ធ្វើចត្តាឡីស័កនៅផ្ទះ ដែលមានការពាក់ព័ន្ធនឹងកម្មកររោងចក្រ និងអ្នកធ្វើការផ្ទាល់នៅរោងចក្រ ហឹរ៉ាយហ្សិន, រោងចក្រ ខេនស្ពត និងរោងចក្រ តឹកហ្វុក ចំនួន ៦៦គ្រួសារ។

ក្នុងឱកាសនៃការចុះចែកសម្ភារនោះដែរក្រុមការងារបានធ្វើការណែនាំដល់កម្មករកម្មការិនីដែលត្រូវធ្វើចត្តាឡីស័ក ទាំងអស់ត្រូវមានអនាម័យជាប់ជាប្រចាំជាពិសេសត្រូវអនុវត្តតាមគោលការណ៍របស់រាជរដ្ឋាភិបាលគឺ ៣ការពារ និង៣កុំ និងអនុវត្តតាមការណែនាំរបស់ក្រសួងសុខាភិបាលឱ្យបានត្រឹមត្រូវ។

សម្ភារដែលបានផ្តល់ជូនក្នុងមួយគ្រួសារទទួលបានរួមមាន៖ អង្ករ ចំនួន ១០គីឡូក្រាម, មី១០កញ្ចប់, ប៊ីចេង១កញ្ចប់, អំបិល១កញ្ចប់, ទឹកត្រី១ដប, ទឹកសីុអីុវ២ដប, ភេសជ្ជះ២កំប៉ុង, ទឹកដោះគោ១កំប៉ុង, ត្រីខ២កំប៉ុង, ស្កសរ១កញ្ចប់, ថ្នាំពេទ្យ១ប្រអប់ សរុបថវិកាចំណាយមានចំនួន ៣,២៦៨,០០០រៀល ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន