រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តមបណ្ឌិត ចាន់ ដារ៉ុង ផ្តល់សម្ភារ និងស្បៀងដល់រដ្ឋបាលស្រុកសាមគ្គីមានជ័យ សម្រាប់ចែកជូនដល់ប្រជាពលរដ្ឋកំពុងធ្វើចត្តាឡីស័ក នៅតាមមណ្ឌល និងតាមខ្នងផ្ទះ

ដោយ taravongចំនួនទស្សនា (46)

សាមគ្គីមានជ័យ៖ នៅព្រឹកថ្ងៃពុធ ១៥កើត ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៦ ខែឧសភា ឆ្នាំ២០២១នេះ ឯកឧត្តមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកសាមគ្គីមានជ័យ អញ្ជើញនាំយកសម្ភារ និងស្បៀងអាហារដើម្បីប្រគល់ជូនសាលាស្រុកសាមគ្គីមានជ័យ សម្រាប់ចែកជូនដល់បងប្អូនប្រជាពលរដ្ឋកំពុងធ្វើចត្តាឡីស័ក នៅតាមមណ្ឌល និងតាមខ្នងផ្ទះក្នុងភូមិសាស្រ្តស្រុកសាមគ្គីមានជ័យ។ ដោយមានការអញ្ជើញចូលរួមពីឯកឧត្តម ស្រ៊ន សំឫទ្ធី អភិបាលរងខេត្ត និងជាអនុប្រធានក្រុមការងារ រួមនឹងសមាជិកក្រុមការងារ ថ្នាក់ដឹកនាំ និងមន្រ្តី រាជការរដ្ឋបាលស្រុក មេឃុំ។

មានប្រសាសន៍សំណេះសំណាលក្នុងឱកាសនោះឯកឧត្តមបណ្ឌិត ចាន់ ដារ៉ុង បានពាំនាំការផ្តាំផ្ញើការសាកសួរសុខទុក្ខពីឯកឧត្ដមបណ្ឌិតសភាចារ្យ អ៊ុក រ៉ាប៊ុន រដ្ឋ មន្រ្តី ក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ដែលឯកឧត្ដមបណ្ឌិតសភាចារ្យ តែងតែគិតគូរយកចិត្តទុកដាក់ និងធ្វើការណែនាំដល់ក្រុមការងារ ត្រូវតែតាមដាន និងពិនិត្យលទ្ធភាពរបស់បងប្អូនប្រជាពលរដ្ឋ ក្នុងមូលដ្ឋានឱ្យបានជាប់ជាប្រចាំ ពិសេសនៅក្នុងដំណាក់កាល នៃវិបត្តិជំងឺកូវីដ-១៩ នេះ។

ឯកឧត្ដមបណ្ឌិត បានមានប្រសាសន៍ផ្តាំផ្ញើ និងធ្វើការណែនាំដល់ក្រុមការងារទាំងអស់ ពិសេសអាជ្ញាធរគ្រប់លំដាប់ថ្នាក់ ត្រូវតែយកចិត្តទុកដាក់ តាមដានកំណត់អត្តសញ្ញាណប្រជាពលរដ្ឋដែលពាក់ព័ន្ធនឹងកម្មករ កម្មការិនីដែលធ្វើការរោងចក្រ។ ក្នុងនោះត្រូវបន្តធ្វើការផ្សព្វផ្សាយអំពីវិធានការអនាម័យជាប់ជាប្រចាំតាមគ្រប់រូបភាព ជាពិសេសត្រូវអនុវត្តតាមគោលការណ៍របស់រាជរដ្ឋាភិបាលគឺ ៣ការពារ និង៣កុំ និងអនុវត្តតាមការណែនាំរបស់ក្រសួងសុខាភិបាលឱ្យបានត្រឹមត្រូវ ដើម្បីទប់ស្កាត់ការរីករាលដាលនៃជំងឺកូវីដ-១៩។

បន្ទាប់មកឯកឧត្តមបណ្ឌិត ចាន់ ដារ៉ុង បានអញ្ជើញប្រគល់ជូននូវសម្ភារ ដល់រដ្ឋបាលស្រុក រួមមាន៖
១. ម៉ាស់ ១០០ ប្រអប់ (៥ ០០០ ម៉ាស់)
២. អង្ករ ៥ ០០០ គីឡូក្រាម (៥តោន)
៣. ទឹកបរិសុទ្ធ ២ ៤០០ ដប ( ២០០ យួរ )
៤. មីម៉ាម៉ា ៧២ កេសតូច (១២ កេសធំ)
៥. ត្រីខ ៦០០ កំប៉ុង (៥០ឡូត៍) និង
៦. ទឹកស៊ីអ៊ីវ ៣០០ ដប (៥០ យួរ) ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន