រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ឆ្នាំង ចុះសួរសុខទុក្ខលោក លន់ ទ្រី អនុប្រធានក្រុមចុះបញ្ជីដីធ្លីមានលក្ខណៈជាប្រព័ន្ធ (ក្រុម២) ដែលកំពុងធ្វើចត្តាឡីស័កនៅគេហដ្ឋាន

ដោយ taravongចំនួនទស្សនា (41)

កំពង់ឆ្នាំង៖ នារសៀលថ្ងៃចន្ទ ៥រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣១ ខែឧសភា ឆ្នាំ២០២១ លោក លី សុភា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ឆ្នាំង រួមនឹងសហការី បានចុះសួរសុខទុក្ខ និងនាំយកគ្រឿងឧបភោគ បរិភោគ និងថវិកា ជូនដល់លោក លន់ ទ្រី អនុប្រធានក្រុមចុះបញ្ជីដីធ្លីមានលក្ខណៈជាប្រព័ន្ធ (ក្រុម២) ដែលកំពុងធ្វើចត្តាឡីស័កនៅគេហដ្ឋានបន្តរយៈពេល ១៤ ថ្ងៃទៀត បន្ទាប់ពីទទួលបានការព្យាបាលជំងឺកូវីដ-១៩ ជាសះស្បើយ។

ក្នុងឱកាសនោះដែរ លោក លី សុភា បានធ្វើការផ្តាំផ្ញើដល់លោក លន់ ទ្រី និងក្រុមគ្រួសារ សូមថែរក្សាសុខភាពឱ្យបានល្អ និងចូលរួមធ្វើចត្តាឡីស័កឱ្យបានត្រឹមត្រូវ ព្រមទាំងអនុវត្តតាមវិធានការរបស់រាជរដ្ឋាភិបាល គឺ៣ការពារ និង៣កុំ ក៏ដូចជាអនុវត្តន៍តាមការណែនាំរបស់ក្រសួងសុខាភិបាល។ លោក លន់ ទ្រី ព្រមទាំងគ្រួសារ បានសំដែងនូវអំណរគុណយ៉ាងជ្រាលជ្រៅចំពោះលោក លី សុភា និងសហការី ដែលបានមកសួរសុខទុក្ខ និងនាំយកសម្ភារ ថវិកា។ សូម គោរពជូនពរលោកប្រធាន និងមន្ត្រីរាជការទាំងអស់ ទទួលបាននូវពុទ្ធពរ ៤ប្រការគឺ អាយុ វណ្ណៈ សុខៈ ពលៈ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 1 សប្ដាហ៍មុន