រលាប្អៀរ៖ នៅព្រឹកថ្ងៃអាទិត្យ ១១រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែមិថុនា ឆ្នាំ២០២១នេះ ឯកឧត្ដម ប៉ា សុខុម អនុរដ្ឋលេខាធិការក្រសួងអភិវឌ្ឍន៍ជនបទ រួមជាមួយលោក ជិន រដ្ឋា ប្រធានមន្ទីរអភិវឌ្ឍន៍ជនបទខេត្ត តំណាងឯកឧត្ដមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានក្រុមការងារថ្នាក់កណ្ដាល ចុះជួយស្រុករលាប្អៀរ មានការចូលរួមពីលោក សោម វឺន ប្រធានក្រុមប្រឹក្សាស្រុក និងអាជ្ញាធរភូមិឃុំ បានចូលរួមរំលែកទុក្ខដល់គ្រួសារកុមារារងគ្រោះស្លាប់ដោយរន្ទះបាញ់ កាលពីល្ងាចថ្ងៃសៅរ៍ ថ្ងៃទី៥ ខែមិថុនា ឆ្នាំ២០២១ វេលាម៉ោង ១៥ នឹង ៣០នាទីល្ងាច។
កុមារាដែលបានស្លាប់មានឈ្មោះ ដូត សុរីម ភេទ ប្រុស អាយុ ៨ឆ្នាំ នៅភូមិឈើត្រាច ឃុំគោកបន្ទាយ ស្រុករលាប្អៀរ បានទៅឃ្វាលសត្វគោ នៅចំណុចវាលស្រែប្រាំង ស្ថិតក្នងភូមិសាស្ត្រភូមិឈើត្រាច ឃុំគោកបន្ទាយ ស្រុករលាប្អៀរ។ សម្ភារដែល ឯកឧត្ដមបណ្ឌិតសភាចារ្យ បានឧបត្ថម្ភរួមមាន៖ អង្ករ ៥០គីឡូក្រាម ,ទឹកត្រី ១យួរ ,ទឹកស៊ីអ៊ីវ ១យួរ មី ១កេះ ត្រីខ ១យួរ និងថវិកា ៥០០,០០០រៀល ផងដែរ ៕
