ដោយអនុវត្តតាមលក្ខន្តិកៈរបស់សមាគមន៍មិត្តនគរបាលជាតិកម្ពុជា ក្នុងការឧត្ថម្ភថវិកាជូនដល់សមាជិកសមាគមន៍ និងស្វាមី-ភរិយា ដែល បានទទួលមរណៈភាព។
នៅព្រឹកថ្ងៃទី០៨ ខែសីហា ឆ្នាំ២០១៩ វេលាម៉ោង០៨ៈ៣០នាទី គណៈកម្មាធិការមូលដ្ឋាន នៃស្នងការដ្ឋាន នគរបាលខេត្តកំពង់ឆ្នាំង ដឹកនាំដោយលោក ឧត្តមសេនីយ៍ទោ ខូវ លី ស្នងការនគរបាលខេត្ត និងជាប្រធានគណ:កម្មាធិការមូលដ្ឋាន តំណាង ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសមាគមមិត្តនគរបាលជាតិកម្ពុជា មានកិត្តិយសបានដឹកនាំគណៈកម្មាធិការមូលដ្ឋាន នៃស្នងការដ្ឋាន នគរបាលខេត្តកំពង់ឆ្នាំង ធ្វេីការប្រគល់ថវិកាឧបត្ថម្ភ របស់សមាគមន៍ជូនដល់៖
-លោកអនុសេនីយ៍ឯក យិន ថន អតីត មន្ត្រី ការិយាល័យ ប្រឆាំងភរវកម្ម និង ឧក្រិដកម្មឆ្លងដែន (បច្ចុប្បន្នចូលនិវត្តន៍) ត្រូវជាស្វាមីរបស់សពលោកស្រី ម៉ែន សារឿន ដែលបានទទួល មរណ:ភាពកាលពីថ្ងៃទី១១ ខែកក្កដា ឆ្នាំ២០១៩ ដោយសារជម្ងឺទឹកនោមផ្អែម នូវថវិកាចំនួន ២,០០០,០០០រៀល (ពីរលានរៀល)។
ក្នុងឱកាសនោះ លោកឧត្តមសេនីយ៍ទោ ខូវ លី ស្នងការ នគរបាលខេត្តកំពង់ឆ្នាំង បានពាំនាំនូវប្រសាសន៍ផ្តាំផ្ញើរំលែកទុក្ខពីសម្តេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយស សមាគមន៍មិត្តនគរបាលជាតិកម្ពុជា និងការផ្តាំផ្ញើសាកសួរសុខទុក្ខពីឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានគណៈកម្មាធិការកណ្តាល សមាគមន៍មិត្តនគរបាលជាតិកម្ពុជា ព្រមទាំងការផ្តាំផ្ញើពីគណ:កម្មាធិការមូលដ្ឋានចំពោះគ្រួសារនៃសព និងសម្តែងនូវការសោកស្តាយចំពោះការបាត់បងគ្រួសារ របស់សមាជិកសមាគម ក្នុងនាមគណ:កម្មការមូលដ្ឋាននិងខិតខំយកចិត្តទុកដាក់ថែររក្សារគ្រួសារសព ជាសមាជិកអោយរស់នៅបានសមរម្យ ៕
