កំពង់ឆ្នាំង៖ កាលពីថ្ងៃចន្ទ ៥កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២ ខែកញ្ញា ឆ្នាំ២០១៩ មន្ទីរពាណិជ្ជកម្មខេត្តកំពង់ឆ្នាំងសហការជា មួយ សាខាកាំកុង ត្រូល និងរថយន្តមន្ទីរពិសោធន៍ចល័តប្រេងឥន្ធនៈនៃអគ្គ នាយកដ្ឋានកាំកុងត្រូល អាជ្ញាធរដែនដី ដែលមានការដឹកនាំដោយលោកឈួរ ចាន់ថន ប្រធានមន្ទីរពាណិជ្ជកម្ម លោកយីវ ណារិន ប្រធានសាខាកាំកុងត្រូល ខេត្តកំពង់ឆ្នាំង បានចុះត្រួតពិនិត្យស្ថានីយ៍ /ដេប៉ូ ប្រេងឥន្ធនៈ ចំនួន០៨ទីតាំង។
ជាលទ្ធផលឃើញថាមាន០២ទីតាំងប៉ុណ្ណោះដែលមានភាពអនុលោមទាំងបរិមាណ និងគុណភាព រីឯ០៦ទីតាំងទៀតគឺពុំមានភាពអនុលោមផ្នែក គុណភាព និងបរិមាណ។
រាល់ស្ថានីយ៏ទាំង០៦ ដែលមានភាពមិនអនុលោមផ្នែកគុណភាព និងបរិមាណយើងក៏បានអោយម្ចាស់ស្ថានីយ៍/ដេប៉ូធ្វើកិច្ចសន្យាកែប្រែរាល់កំហុសឆ្គងទាំងនេះឡើងវិញ។
