រដ្ឋបាលខេត្តកំពង់ឆ្នាំង

Kampong Chhnang Administration
ស្វែងរក

អនុប្រធានក្រុមការងារថ្នាក់ជាតិចុះជួយស្រុកសាមគ្គីមានជ័យ បានដឹកនាំកិច្ចប្រជុំពិភាក្សា និងចុះពិនិត្យការដាំបង្គោលអគ្គិសនីប៉ះពាល់ដើមឈើក្នុងចម្ការព្រៃឈើរបស់រដ្ឋ ជាមួយក្រុមហ៊ុនអគ្គិសនី

  • 278
  • ដោយ taravong

សាមគ្គីមានជ័យ៖ នាព្រឹកថ្ងៃអាទិត្យ ៣រោច ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែមករា ឆ្នាំ២០២០ ឯកឧត្ដម ស្រី សុទ្ធា អនុប្រធានក្រុមការងារថ្នាក់ជាតិចុះជួយស្រុកសាមគ្គីមានជ័យ បានដឹកនាំកិច្ចប្រជុំពិភាក្សាអំពីការងារដាំបង្គោលអគ្គិសនីប៉ះពាល់ដើមឈើក្នុងចម្ការព្រៃឈើរបស់រដ្ឋ ជាមួយភាគីពាក់ព័ន្ធរួមមានក្រុមហ៊ុនអគ្គិសនី កែ វ៉ារិន សាខាលង្វែក និងចុះទៅពិនិត្យទីតាំងផ្ទាល់ដើម្បីឆ្លើយតបទៅនឹងការស្នើសុំរបស់ប្រជាពលរដ្ឋ។

ដោយមានការចូលរួមពី រដ្ឋបាលព្រៃឈើថ្នាក់មូលដ្ឋាន ថ្នាក់ជាតិ ក្រុមការងារលេខាធិការដ្ឋានក្រុមការងារថ្នាក់ជាតិចុះមូលដ្ឋានស្រុកសាមគ្គីមានជ័យ អាជ្ញាធរឃុំក្រាំងល្វា និងលោកមេភូមិខ្សាច់សរ នៅសាលប្រជុំសាលាស្រុកសាមគ្គីមានជ័យ។ តាមរយៈកិច្ចពិភាក្សានេះ តំណាងក្រុមហ៊ុនអគ្គិសនី កែ វ៉ារិន សាខាលង្វែក បានលើកឡើងថា បង្គោលដែលដាំហើយប៉ះពាល់ដើមឈើត្រូវកាប់ ប្រមាណ ៤២០ដើម ស្ថិតក្នុងប្រវែងដី ១៥០០ម៉ែត្រ។ ខណ្ឌរដ្ឋបាលព្រៃឈើបានលើកឡើងថារដ្ឋបាលព្រៃឈើបានមកចូលរួមប្រជុំរឿងនេះជាមួយអាជ្ញាធរស្រុក និងក្រុមហ៊ុន ១លើករួចមកហើយ ដោយផ្អាកការកាប់កូនឈើសិនដោយរងចាំការដោះស្រាយពីក្រសួងសិន។

បន្ទាប់ពីកិច្ចប្រជុំនេះក្រុមកាងារ និងភាគីពាក់ព័ន្ធ បានចុះទៅពិនិត្យផ្ទាល់ដល់ទីតាំងដើមឈើដែលត្រូវកាប់នោះ។ ជាលទ្ធផលឯកឧត្តម ស្រី សុទ្ធា នឹងរៀបចំឯកសារពាក់ព័ន្ធចងក្រងជារបាយការណ៍ដាក់ជូនឯកឧត្តមរដ្ឋមន្រ្តីក្រសួងកសិកម្ម រុក្ខាប្រម៉ាញ់ និងនេសាទ ដើម្បីស្នើសុំយោបល់ ៕

អត្ថបទទាក់ទង