រដ្ឋបាលខេត្តកំពង់ឆ្នាំង

Kampong Chhnang Administration

រដ្ឋបាលខេត្តកំពង់ឆ្នាំង

Kampong Chhnang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

វគ្គបណ្ដុះបណ្ដាលស្ដីពីនីតិវិធីអត្តសញ្ញាណកម្មគ្រួសារក្រីក្រ តាមការស្នើសុំ ក្នុងអំឡុងពេលប្រឆាំងនឹងជំងឺកូវីដ ១៩ នៅថ្នាក់ក្រុង ស្រុក

ដោយ taravongចំនួនទស្សនា (100)

កំពង់ឆ្នាំង៖ នាព្រឹកថ្ងៃសុក្រ ៩រោច ខែ ពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៥ ខែឧសភា ឆ្នាំ២០២០ មន្ទីរផែនការខេត្ត និងជាលេខាធិការដ្ឋានអត្តសញ្ញាណកម្មគ្រួសារក្រីក្រខេត្ត សហការជាមួយរដ្ឋបាលស្រុកបរិបូណ៌ បានរៀបចំបើកវគ្គបណ្ដុះបណ្ដាលស្ដីពីនីតិវិធីអត្តសញ្ញាណកម្មគ្រួសារក្រីក្រ តាមការស្នើសុំ ក្នុងអំឡុងពេលប្រឆាំងនឹងជំងឺកូវីដ ១៩។

ពិធីប្រព្រឹត្តទៅក្រោមអធិបតីភាពឯកឧត្តម អម សុភា អភិបាលរងខេត្ត និងជាអនុប្រធានគណៈកម្មការកំណត់អត្តសញ្ញាណកម្មគ្រួសារក្រីក្រខេត្ត តំណាងឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង លោក ឌឹម ឌន ប្រធានមន្ទីរផែនការខេត្ត លោក ចែម ភក្ដិ អភិបាលរងស្រុក និងមានការចូលរួមពីលោក លោកស្រី ប្រធានការិយាល័យផែនការ និងគាំទ្រឃុំ សង្កាត់ លោក លោកស្រី មេឃុំ ជំទប់ឃុំ ក្រុមប្រឹក្សាឃុំ ទាំង១១ ឃុំរបស់ស្រុកបរិបូណ៌ មានរយៈពេល០២ថ្ងៃ ចាប់ពីថ្ងៃទី១៥-១៦ ខែឧសភា ឆ្នាំ២០២០ នៅសាលាស្រុកបរិបូណ៌។

គោលបំណងនៃវគ្គបណ្ដុះបណ្ដាល គឺដើម្បីដល់ឱ្យលោក លោកស្រីមេឃុំ ក្រុមប្រឹក្សាឃុំ និងអ្នកពាក់ព័ន្ធបានយល់ដឹងកាន់តែច្បាស់អំពីដំណើការ និងនីតិវិធីនៃការអនុវត្តអត្តសញ្ញាណកម្មគ្រួសារក្រីក្រខេត្ត តាមការស្នើសុំ ក្នុងអំឡុងពេលប្រឆាំងនឹងជំងឺកូវីដ ១៩ និងចេះប្រើប្រាស់ឧបករណ៍ថាប្លេត ដើម្បីសម្ភាសន៍គ្រួសារក្រីក្រដែលបានដាក់ពាក្សស្នើសុំប័ណ្ណសមធម៌ សម្រាប់ទទួលសេវាសង្គមដោយឥតគិតថ្លៃពីរាជរដ្ឋាភិបាល។

ឯកឧត្តម អម សុភា អភិបាលរងខេត្ត បានធ្វើការផ្ដាំផ្ញើដល់លោក លោកស្រី មេឃុំ ក្រុមប្រឹក្សាឃុំ ត្រូវ ពិនិត្យមើលទៅលើគ្រួសារក្រីក្រនៅមូលដ្ឋានអោយបានគ្រប់ជ្រុងជ្រោយ និងអនុវត្តតាមនីតិវិធីអត្តសញ្ញាណកម្មគ្រួសារក្រីក្រ ជៀសវាងមានការថ្នាំងថ្នាក់ពីប្រជាពលរដ្ឋ និងត្រូវបន្ដខិតខំបំរើសេវាជូនប្រជាពលរដ្ឋអោយបានទាន់ពេលវេលា ពិសេសបន្តអោយប្រជាពលរដ្ឋមានអនាម័យល្អ ដើម្បីប្រយុទ្ធប្រឆាំង នឹងជំងឺកូវីដ ១៩ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
កម្ពុជា ព្រះរាជាណាចក្រអច្ឆរិយៈ
បុណ្យទន្លេ លើកទី៥ ខេត្តកំពង់ឆ្នាំង
បុណ្យទន្លេនៅខេត្តកំពង់ឆ្នាំងមានអ្វីប្លែកខ្លះ?

បុណ្យទន្លេនៅខេត្តកំពង់ឆ្នាំងមានអ្វីប្លែកខ្លះ? បើចង់ជ្រាបច្បាស់ សូមអញ្ជើញទេសចរជាតិ និងអន្តរជាតិចូលរួមទស្សនាកម្សាន្តឲ្យបានច្រើនកុះករ។ សូមអរគុណ!

បាន​បង្ហោះ​ដោយ ក្រសួងទេសចរណ៍ Ministry of Tourism, Cambodia នៅ សុក្រ 1 មីនា 2019
ព័ត៌មានជាប់ទាក់ទង

ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង

អ៊ីមែល : info@kampongchhnang.gov.kh

លេខទូរស័ព្ទ : (+855) 26 988 652

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពង់ឆ្នាំង

កែប្រែចុងក្រោយ : 2 ខែមុន