កំពង់ឆ្នាំង៖ នាព្រឹកថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០នេះ នៅមន្ទីរ សាធារណការ និងដឹកជញ្ជូនខេត្តកំពង់ឆ្នាំង បានបើកកិច្ចប្រជុំ ស្តីពីសកម្មភាពការងារ របស់អនុគណៈកម្មការសុវត្ថិភាព ចរាចរណ៍ផ្លូវគោកប្រចាំឆ្នាំ២០២០ និងលើកទិសដៅការងារសម្រាប់អនុវត្តការងារបន្តឆ្នាំ២០២១។
កិច្ចប្រជុំប្រព្រឹត្តទៅក្រោមអធិបតីភាព លោក សាន់ យូ អភិបាលរងខេត្តកំពង់ឆ្នាំង និងជាអនុប្រធានអចិន្ត្ត្រៃយ៍ ព្រមទាំងមានការអញ្ជើញ ចូលរួមពីលោក ឆាយ លីភា ប្រធានមន្ទីរសាធារណការ និងដឹកជញ្ជូនខេត្ត លោក លោកស្រី មកពីស្ថាប័នជំនាញ ពាក់ព័ន្ធក្រសួង និងខេត្តចូលរួមផងដែរ ៕
